Búgin aımaq basshysy «Qobylandy-batyr» atyndaǵy ortalyq stadıonda «Aqtóbe» FK-nyń múshelerimen kezdesti. Kezdesýde FK-tyń bas dırektory Samat Smaqov, bas jattyqtyrýshysy Aleksandr Sednev jáne oıynshylar boldy.
Júzdesý barysynda oıynshylar jeke oılaryn aıtyp, klýbqa qatysty máselelerdiń sheshilý joldary talqylandy. Oblys ákimi óz kezeginde sportshylardy jan-jaqty qoldaýǵa daıyn ekenin jetkizdi. «Aqtóbe óńiri úshin fýtbol sportynyń orny erekshe, komandada óner kórsetetin 24 oıynshynyń 19-y aqtóbelikter eken, bul respýblıka boıynsha ózge komandalarda kezdese bermeıtin qubylys»,-dep atap ótti Ońdasyn Orazalın. «Aqtóbe» FK-nyń bas jattyqtyrýshysy Aleksandr Sednev oblys ákimine arnaıy kelip, sportshylarǵa bildirgen qoldaýy úshin alǵysyn bildirdi.«О́kinishke oraı, sońǵy kezderi jankúıerlerimizdiń úmitin aqtaı almadyq, sondaı sátsizdikterge qaramastan úzbeı qoldaý kórsetken barlyq qoldaýshy jankúıerlerimizge rahmetimizdi aıtqymyz keledi»-dedi bas jattyqtyrýshy.Aqtóbeniń namysyn qorǵap júrgen oıynshylar kezdesý sońynda Ońdasyn Orazalınge estelikke «Aqtóbe» FK-nyń jeıdesin syıǵa tartý etti. О́ńir basshysy komandanyń aldaǵy oıyndaryna sáttilik tiledi.