Aǵymdaǵy jylǵy 1-2 tamyz aralyǵynda qazaqstandyq delegasııanyń Tokıo qalasyna sapary ótti.
Sapar barysynda japondyq «Sumitomo», «Marubeni», «Nippon Express», «Hitachi Construction Machinery», «Chiyoda Technol», «Sumitomo Mitsui Banking Corporation», «Sojitz», «Terra Drone», «JOGMEC», «Nikke Group» sııaqty kompanııalar men uıymdardyń basshylarymen bólek kezdesýler ótkizildi.
Kezdesýler barysynda Qazaqstanda mashına jasaý, energetıka, aýyl sharýashylyǵy, logıstıka, munaı hımııasy, jeńil ónerkásip, robototehnıka jáne aqparattyq kommýnıkasııalyq tehnologııalar salalarynda júzege asyrylyp jatqan jáne áleýetti birlesken jobalar talqylandy.
Qazaqstandyq tarap japondyq kompanııalarǵa elimizdegi ınvestısııalyq ahýaldy jaqsartý jáne ınvestorlar úshin múmkindikterdi keńeıtý boıynsha qabyldanǵan sharalar týraly baıandady.
Japondyq ınvestorlar Qazaqstannyń ekonomıkasyna ınvestısııa salýǵa qyzyǵýshylyq tanytyp, memleketimizdegi aǵymdaǵy ınvestısııalyq jobalardyń júzege asyrylýy týraly habarlady.
Máselen, álemdegi tórtinshi iri logıstıkalyq «Nippon Express» kompanııasy aǵymdaǵy jylǵy tamyzda Qazaqstanda óziniń Ortalyq Azııadaǵy ókildiginiń resmı ashylǵanyn atap ótti. Qazaqstanda 2004 jyldan beri jumys istep kele jatqan «Hitachi Construction Machinery» kompanııasy taý-ken tehnıkasyna qyzmet kórsetetin aımaqtyq ortalyǵyn qurý ústinde. «JOGMEC» munaı, gaz jáne metall jónindegi ulttyq korporasııasy sırek kezdesetin jer metaldardy óńdeý tehnologııalaryn damytý salasyndaǵy yntymaqtastyqty jalǵastyrýǵa nıetti. Japonııanyń iri «Sumitomo Mitsui Banking Corporation» bankiniń basshylyǵy «Báıterek» ulttyq basqarý holdıngimen birlesip ashylǵan nesıelik jelini múmkindiginshe belsendi túrde paıdalanýdy usyndy.
Sonymen qatar, aǵymdaǵy jylǵy 2 tamyzda qazaqstandyq delegasııany basqarǵan Syrtqy ister mınıstriniń orynbasary Ermek Kósherbaevtyń Japonııanyń Syrtqy ister mınıstrliginiń Parlamenttik vıse-mınıstri Kendjı Iаmadamen kezdesýi ótti.
Kezdesý barysynda eki el arasyndaǵy ekonomıkalyq yntymaqtastyqtyń ózekti máseleleri talqylandy.
Japonııa tarapy Qazaqstannyń eki el arasyndaǵy ınvestısııalyq ózara árekettestikti keńeıtý jónindegi bastamalaryn qoldaýǵa daıyn ekendigin málimdedi.
Delegasııa quramynda Indýstrııa jáne ınfraqurylymdy damý mınıstrligi Indýstrııalyq damý jáne ónerkásiptik qaýipsizdik komıtetiniń, Syrtqy ister mınıstrligi Investısııalar komıtetiniń jáne «Kazakh Invest» UK» AQ-nyń ókilderi boldy.