QR Indýstrııa jáne ınfraqurylymdyq damý mınıstrligi Kólik komıteti Nur-Sultan qalasy ákimdigimen birlese otyryp,«Kólik qyzmetkerleriniń kásibı merekesi» bas qalamyzdyń botanıkalyq baǵynda atap ótti. Merekege oraı Kólik komıteti jastardyń salaýatty ómir saltyn ustaný maqsatynda jas qyzmetkerler arasynda jappaı júgirýden sporttyq is-shara jáne qala turǵyndary úshin konserttik baǵdarlama uıymdastyrdy. Bul týraly QR Indýstrııa jáne ınfraqurylymdyq damý mınıstrliginiń Kólik komıtetiniń baspasóz qyzmeti habarlady.
Kásibı merekeniń saltanatty túrde ashylýy bolyp, onda QR Indýstrııa jáne ınfraqurylymdyq damý mınıstrligi Kólik komıtetiniń tóraǵasy Samat Gılımov merekege oraı qyzmetkerlerge quttyqtaý sóz sóılep, merekelik is-sharaǵa qatysýshy jastarǵa sáttilik tilep, merekeniń mańyzdylyǵyna toqtaldy.
Qala turǵyndary júrgen jerinde tazalyq saqtap, qalamyzdy kútip ustaý úshin turǵyndar da óz úlesterin qosýlary tıis. Biz qala turǵyndarymen birge «Men qalam úshin ne jasaı alamyn?» - atty aksııasyn uıymdastyryp, Botanıkalyq baqtyń ishine tazalyq jumystaryn júrgizdik. Sondaı – aq, mereke aıasynda ozat qyzmetkerlerge Kólik salasynyń damýyna qosqan úlesteri úshin «Qurmetti avtokólikshi» jáne «Úzdik avtokólikshi» tósbelgilerin tabys etip, Qurmet gramotasy jáne Alǵys hattarmen marapattadyq – dedi Kólik komıtetiniń tóraǵasy Samat Gılımov.