Olardyń basym bóligi áskerı polıgondaǵy jarylysqa baılanysty buzylýǵa jatatyn 413 úıdi basynan bastap turǵyzady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlaıdy.
Sondaı-aq, 17 sektorda brıgadalar 2 myń JTQ jáne KPTÚ obektilerinde kosmetıkalyq jóndeý jumystaryn aıaqtaıdy. Osylaısha, negizgi qalpyna keltirý jumystary 6,5 myń úıde aıaqtaldy. Bul barlyq zardap shekken Arystyń 90% bolyp tabylady.
Esterińizge sala keteıik, keshe QR Premer-mınıstri Asqar Mamın Túrkistan oblysyna jumys sapary barysynda Arys qalasyndaǵy buzylǵan úılerdi, áleýmettik nysandardy, ınjenerlik jelilerdi salý jáne jóndeý jumystarynyń barysyn tekserdi, sondaı-aq qalany qalpyna keltirý jóninde keńes ótkizdi. QR Úkimeti basshysy qalada qysqa merzimde aýqymdy jumystar júrgizilgenin atap ótti.
Asqar Mamınniń tapsyrmasy boıynsha qalǵan jeke úılerdi jóndeý 10 tamyzǵa deıin aıaqtalýy tıis. Kópqabatty úıler boıynsha qalpyna keltirý jumystary 20 tamyzǵa deıin bitýi kerek. Sondaı-aq, 20 tamyzǵa deıin barlyq áleýmettik nysandardy tapsyrý qajet.