12 tamyzdan bastap tirkeýde turǵan 55 myńnan astam adam ótemaqyǵa qol jetkizedi. Búgin eki aýyldyq eldi meken men Arys qalasyndaǵy 17 sektorda bank kartalary taratyldy. Bul týraly Túrkistan oblysy ákiminiń baspasóz qyzmeti habarlady.
Qyzylorda, Jambyl jáne Shymkentten «Halyq bankiniń» 120 qyzmetkeri Arysqa arnaıy kelip jumys júrgizýde.
Túrkistan oblysy ákiminiń orynbasary Joldymurat Amanbaev aqshany alýdyń tártibin túsindirdi.
«Osy ýaqytta 33 myń bank kartasy jasaldy. Elimiz egemendigin alǵanan beri dál bulaı, bir aıdyń ishinde osynshama qujat jınalyp, 33 myń kartochkany daıyndaý degen bolǵan emes. Qazirgi tańda sol daıyn bolǵandary taratylyp jatyr. Biraq ázirge aqsha salynǵan joq. Iаǵnı, 100 myń teńgeni 12 tamyzdan bastap ala alady. Al qazirgi negizgi jumys - kartochkany taratý. Demek, barlyǵy túgel qol jetkizgende aqshany túsiremiz. Eń kóp 9 sektorda 3771 qujat jınalǵan. Qalany kóshe-kóshege bóldik», dedi oblys ákiminiń orynbasary J.Amanbaev.
Eldi sabyrǵa shaqyrǵan jaýapty basshylar, turǵyndardyń tolǵandyrǵan suraqtaryna jaýap beretin, arnaıy komıssııa jumys jasap jatqanyn jetkizdi. Al tizimge kirmeı qalǵan oqýshylar, mektepter arqyly anyqtalyp jatqany belgili boldy.
«О́temaqyny Respýblıka kóleminde «Halyq bankiniń» kez kelgen bankomatynan alýǵa bolady. Qarjynyń túsken nemese túspegenin anyqtaý úshin kartany bankomatta 3 retten artyq qoldanýǵa bolmaıdy. Sebebi 3 retten artyq qoldanǵan jaǵdaıda banktik komıssııa tólemi ustalady», delingen habarlamady.
Sonymen qatar sot sheshimderimen qaryzdary bolǵan azamattarǵa tólem kartalary ashylmaıdy. Mundaı jaǵdaıda azamat notarıaldy túrde ótemaqyny senim bildirgen ókili arqyly alýyna bolady. Al úılerinde bolmaǵan azamattar kartany 2019 jyldyń 15 tamyzynan bastap Arys qalalyq «Halyq bank» fılıaldarynan alýyna bolady. Túsken qarjydan banktiń komıssııalyq tólemderi ustalmaıdy. Jalpy búgingi tańda Arys qalasynda halyq bankiniń 12 bankomaty qoıylǵan. Sonymen qatar qosymsha taǵy 7-8 bankomat ornatylmaq.