Juma, 1 aqpan 2013 6:45
«Nur Otan» HDP Almaty oblystyq fılıaly ««Balapan» baǵdarlamasynyń Jetisý jerinde júzege asyrylýy týraly qoǵamdyq tyńdaý ótkizdi.
Bul sharanyń bir ereksheligi, baıandamalar oqylǵan soń, «Qýansa bala qýansyn» degen danalyqty berik ustanǵan mamandar sol búldirshinderge múmkindiginshe jaǵdaı jasap,
Juma, 1 aqpan 2013 6:45
«Nur Otan» HDP Almaty oblystyq fılıaly ««Balapan» baǵdarlamasynyń Jetisý jerinde júzege asyrylýy týraly qoǵamdyq tyńdaý ótkizdi.
Bul sharanyń bir ereksheligi, baıandamalar oqylǵan soń, «Qýansa bala qýansyn» degen danalyqty berik ustanǵan mamandar sol búldirshinderge múmkindiginshe jaǵdaı jasap, ulttyq tárbıemen qandyra sýsyndatý máseleleri boıynsha ashyq pikir almasty. Búgingi kúnge deıin oblys boıynsha segiz balabaqsha ǵımaratyn menshik ıeleri oblystyq bilim basqarmasynyń quzyryna aqysyz qaıtarsa, atalǵan ujym 2010-2012 jyldary jergilikti bıýdjet esebinen 609 mln. 321 myń teńgege on tórt balabaqsha ǵımaratyn rynoktyq baǵamen satyp alǵan. Byltyrǵy jyly oblys boıynsha 1105 oryndy on úsh balabaqsha ashylyp, búldirshinder kúlkisine bólense, endi 280-320 oryndy elý balabaqsha ashý qajettiligi týyndap otyr.
«Jalpy, memlekettik «Balapan» baǵdarlamasyna sáıkes oblysta 139 balabaqsha men 173 shaǵyn ortalyq ashylyp, qajettilik 57,7 paıyzǵa qamtylyp, jıyrma bes myń búldirshindi qýanttyq. Desek te, osy tusta sala mamandaryna aıtarym, búgingi kúngi esep boıynsha, Almaty oblysynda 80 sharshy metr turǵyn úı qurylysyn tolyǵymen salyp, bitirý úshin 6 mln. teńge jumsalady eken. Al, bilim basqarmasynyń basshylary satyp alǵan balabaqshalardyń árqaısysynyń quny (oblystyq bilim basqarmasy bastyǵynyń orynbasary Maıgúl Omarova esepti baıandamasynda aıtqan somany on tórt balabaqshaǵa bólsek), 43 mln. 523 myń teńgeden aınalyp otyr. Osy jaǵyn oılaıyq. Búldirshinderge sán-saltanaty asqan «zamanaýı» qajettiliktermen lyqa toltyrylǵan ǵımarattar emes, teń-tustarymen erkin aralasyp, tálim-tárbıe alatyn balabaqshalar qajet ekendigin Elbasy ashyq aıtty ǵoı», dedi «Nur Otan» HDP Almaty oblystyq fılıaly tóraǵasynyń orynbasary Erǵazy Qoshanbekov.
«Balapan» baǵdarlamasynyń oryndalýyn qadaǵalaýda qoǵamdyq uıymdar baqylaýy kúsheıtilgen. Júrgizilip jatqan qurylystar men kúrdeli, aǵymdaǵy jóndeý jumystary nysandarynda partııalyq baqylaý beketteri quryldy. Onda qurylys sapasyna erekshe mán beriledi. Ár eldi mekende buryn jalǵa berilgen, jekeshelendirilgen, paıdalanylmaı bos turǵan balabaqsha ǵımarattaryn qajettilikke jaratý basty másele. Búginde jumys istep turǵan balabaqshalarda tárbıeshi, aspazshy, medbıke qyzmetterin arnaýly bilimi bar mamandardan jasaqtaý, sanıtarııalyq-epıdemıologııalyq, tazalyq jaǵdaıyn jaqsartý da ýaqyt talaby.
Osylaı, jetisýlyqtar bolashaqtyń bir bastaýy bolyp sanalatyn balabaqshalarǵa basa nazar aýdarýda.
Nurbol ÁLDIBAEV,
«Egemen Qazaqstan».
Almaty oblysy.