Qasym-Jomart Toqaev Mysyr Arab Respýblıkasynyń Prezıdenti Ábdel Fattah As-Sısıge kóńil aıtý jedelhatyn joldady. Bul týraly Aqordanyń baspasóz qyzmeti habarlady.
Memleket basshysy Qazaqstan halqynyń jáne jeke óziniń atynan Mysyr astanasy Kaır qalasynda bolǵan lańkestik áreketterdiń saldarynan qaza tapqandardyń otbasylary men jaqyndaryna kóńil aıtyp, zardap shekkenderdiń tez saýyǵyp ketýine tilektestik bildirdi.
«Qazaqstan Mysyrmen birlesip, elderimizdiń beıbit ómirin qamtamasyz etý maqsatynda qazirgi zaman qaýip-qaterlerine qarsy kúreste yntymaqtastyqty jalǵastyrýǵa árqashan daıyn ekenin atap ótemin», - dep jazdy Qasym-Jomart Toqaev.