Oblys ákimdiginiń apparat májilisinde kúzgi egin jınaýǵa daıyndyq máseleleri talqylandy. Jıynda oblystyq aýyl sharýashylyǵy basqarmasy basshysynyń m.a. Seıilbek Nurymbetov kúzgi egin jınaýǵa daıyndyq barysy týraly baıandady.
«Bıyl oblys boıynsha 183,9 myń ga aýyl sharýashylyǵy daqyldary agrotehnıkalyq sharalaryn saqtaı otyryp, ońtaıly merziminde ornalasty. Onyń ishinde dándi daqyldar 96,9 myń ga, maıly daqyldar 7 myń ga, mal azyqtyq daqyldar 62,7 myń ga, kartop, kókónis, baqsha 17,2 myń ga. Negizgi daqyl kúrishtiń kólemi 87,3 myń ga. Aýyl sharýashylyǵy daqyldary ótken jylmen salystyrǵanda 6,6 myń ga artyq egilip otyr», dedi S.Nurymbetov.
Búgingi kúni 69,0 myń ga kúrish gerbısıdtermen, 66,9 myń ga tyńaıtqyshtarmen óńdeldi. Sonymen qatar, 1,3 myń ga alqapta dándi daqyldardy jınaý jumystary tolyq aıaqtaldy.
Aımaqtyń aýyl sharýashylyǵy qurylymdary kúzgi egin jınaý jumystaryna daıyndyqty bastap ketti. Oblysta alǵashqy eginge oraq salý jumystary jekelegen sharýashylyqtarda 20 tamyzdan keıin, al oblys boıynsha 1 qyrkúıekten bastaý josparlanyp otyr.
Qyzylorda oblysy