«Mektepke jol» aksııasyna qoldaý bildirip jatqan azamattardyń qatary jyl saıyn artyp keledi. О́tken jyly aımaqta 21617 balaǵa 200 185 600 teńge kóleminde kómek kórsetilgen. Onyń ishinde 59 584 700 teńge demeýshiler esebinen berilgen. Bul týraly Qyzylorda oblystyq bilim basqarmasynyń bólim basshysy Sholpan Júnisova málimdedi.
- «Mektepke jol» aksııasy barsha azamattardy biriktirýde. Qazirgi tańda aksııa aıasynda 430 balaǵa kómek kórsetildi. Sonymen birge, 200 balaǵa «QazGerMunaı» AQ kompanııasy balalardyń qajetti qural-jabdyqtarymen qamtamasyz etpek. Munan bólek, oblystyq bilim basqarmasy jáne «Jomart» qoǵamdyq birlestigi memorandýmǵa otyrdy. Osy arqyly Kaspıı jáne Halyq banki Bilim basqarmasynyń uıymdastyrý shtabyna 40 balaǵa, «Nur Otan» partııasy 70 balaǵa kómek kórsetti, deıdi Sh.Júnisova.
Bilim basqarmasynyń bilim.e-kyzylorda.gov.kz saıtyna az qamtamasyz etilgen azamattardyń ótinimi men tizimi ornalastyrylǵan. Aksııa aıasynda kómek bergisi keletin demeýshi azamattar saıtta ornalasqan kómekke muqtaj otbasylardy qaraý, tandaý arqyly kómek kórsete alady.
Qyzylorda oblysy