Qaraǵandy oblystyq tabıǵatty qorǵaý polısııasynyń qyzmetkerleri zańsyz kıik aýlaýdy anyqtaý jáne onyń jolyn kesý boıynsha júrgizilgen is-sharalar barysynda Sátbaev qalasynyń aýmaǵyndaǵy «Jezqazǵan-Esil-Petropavl» tas jolynda «Taıota-Sıýrf» markaly avtokólikti toqtatyp, tekserý júrgizgen.
Tekserý nátıjesinde atalǵan avtokóliktiń júk salǵyshynan eki sellofan paketke salynǵan et tárkilendi. Kólik júrgizýshisi – Qaraǵandy qalasynyń 47 jasar turǵyny tabylǵan ettiń kıik eti ekenin jáne ony belgisiz azamattan satyp alǵandyǵy týraly túsinikteme berdi.
Atalǵan fakt Qazaqstan Respýblıkasy Qylmystyq Kodeksiniń 339-baby boıynsha tirkeldi (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý).
Qazirgi ýaqytta tıisti saraptamalar taǵaıyndalyp, tergeý amaldary júrgizilýde.
Qaraǵandy oblysy