Beısenbi, 28 aqpan 2013 7:55
Hıronao OKÝMA, «KIODO News» aqparat agenttigi Máskeý bıýrosynyń jýrnalısi (Japonııa): – Qazaq jerinde eki kúnge sozylǵan «Iran máselesine» qatysty Almaty kelissózderi Iran men «alty el» arasynda jańa baılanystardyń ashylýyna jol saldy dep aıtýǵa bolady. Bul saıası kezdesý buǵan deıingi osy taqyryptyń seńin buzǵandaı. Taraptar ózderin qyzyqtyratyn usynystardy bir-birine ótkize bildi.
Beısenbi, 28 aqpan 2013 7:55
Hıronao OKÝMA, «KIODO News» aqparat agenttigi Máskeý bıýrosynyń jýrnalısi (Japonııa): – Qazaq jerinde eki kúnge sozylǵan «Iran máselesine» qatysty Almaty kelissózderi Iran men «alty el» arasynda jańa baılanystardyń ashylýyna jol saldy dep aıtýǵa bolady. Bul saıası kezdesý buǵan deıingi osy taqyryptyń seńin buzǵandaı. Taraptar ózderin qyzyqtyratyn usynystardy bir-birine ótkize bildi.
Bul másele jóninde Reseı ózimen áriptes Batys elderi sekildi Irannyń ıadrolyq baǵdarlamany beıbit maqsatta qoldaný talabyn berik ustanatyndyǵy aıan. Almaty kelissózderinde kóptegen paıdaly pikirler men usynystar aıtyldy. Irandyq delegasııa quramyndaǵy osy salanyń jaýapty tulǵalary men sarapshylarynyń bul jolǵy kelissóz júrgizý máneri barlyǵymyzdy ortaq til tabysýǵa túbi qol jetkizemiz degen senimge jeteledi.
Almaty qalasynda ótken 3+3 turpatyndaǵy Irannyń ıadrolyq baǵdarlamasy taqyrybyn tereń qozǵaǵan kelissózder jumysyna ózara únqatysý alańyn usynǵany úshin Qazaqstanǵa jáne onyń Prezıdenti Nursultan Nazarbaevqa alǵysymyzdy bildiremiz. Qýaty jóninen álemdegi tórtinshi ıadrolyq arsenalynan bas tartqan el retinde Qazaqstan bul kelissózge ózindik zor úlesin qosa bilgendigin basa aıtqym keledi.
Sáýir aıynda taǵy da Almaty qalasynda bolatyn kelesi kezdesýden, árıne, barsha adamzatqa ıgi sheshim qabyldansa dep tileımiz. Meniń pikirimshe, álemniń ár qalasynda ótkizilip júrgen «Iran máselesi» tek saıası únqatysý quraly bolyp qalmaı, naqty bir sheshimin tabatyn jáne ýrandy beıbit maqsatta qoldaný isinen barlyq adamzatqa paıdasy tıetin nátıjege jeteleıtin tájirıbe bolýy kerek dep esepteımin.
Aıhan ZENGIN, Iran ıadrolyq baǵdarlamasyn zertteýshi: – Almatydaǵy bul basqosý Máskeý kelissózderine qaraǵanda óte mańyzdy boldy. Árıne, bul taqyryp óziniń shegine jetpeýi sebepti taǵy da naqty sheshimge qol jetkizilmegeni barshamyzǵa aıan. Bir sózben aıtqanda, bul jeńimpazdar oıyny emes, jeńilýshiler oıyny deýge ábden bolady. Eki tarap ta eren ilgerileýshilikke qol jetkize almady. Bul únqatysýdyń utqany – taraptar budan keıin de bul taqyrypty sypaıy qozǵaýǵa jol ashty, kelesi joly resmı jaǵdaıda jyly kezdesý múmkindigine ıe boldy.
Irannyń ıadrolyq baǵdarlamasy taqyrybyn sońǵy 10 jyldan beri tııanaqty zerttep júrgen adam retinde Almaty qalasynda aldaǵy ótetin kezdesý budan da jemistirek bolady dep senim artar edim.
Qonaqjaı Qazaq eline keler kezde men Qazaqstannyń ıadrolyq qaldyqtar bankin júzege asyrýǵa múddeli ekendigin bildim. Eger bul bank jumys isteı bastasa, Iran Qazaqstanmen osy máselede tyǵyz qatynas ornatar edi. Árıne, bul Eýropalyq Odaq úshin «Iran máselesinen» ózge taǵy bir «bas qatyrarlyq» jumys bolady dep oılaımyn.
Irannyń ıadrolyq baǵdarlamasy jónindegi jan-jaqty kelissózderge tikeleı muryndyq bolý arqyly Qazaqstan álemdik saıasatta ózindik jańa beınege ıe boldy dep aıtar edim. Álemdegi úlken ıadrolyq qarýdan bas tartqan el retinde qazaqstandyq delegasııa quramyn da osyndaı kelissóz alańynan bolashaqta kórýge álemdik sarapshylar qýana keliser edi degim keledi.
ALMATY.