Syrtqy ister mınıstri Beıbit Atamqulov Izraıl Memleketiniń Qazaqstan Respýblıkasyndaǵy Elshisi Lıat Vekselmandy qabyldady. Bul týraly mınıstrliktiń baspasóz qyzmeti habarlady.
Taraptar ekijaqty saıası, ekonomıkalyq jáne mádenı-gýmanıtarlyq yntymaqtastyqtyń jaı-kúıi men perspektıvalaryn, óńirlik jáne halyqaralyq kún tártibindegi ózekti máselelerge qatysty keń aýqymdy máselelerdi talqylady.
«Izraıl Qazaqstan úshin ozyq agro-tehnologııalardy, kıberqaýipsizdik pen basqa da ınnovasııalyq ázirlemelerdi engizý salasyndaǵy seriktes bolyp tabylady. Bizdiń memleketter arasynda berik jáne senimdi qatynastar qalyptasty», dedi SIM basshysy.
Qazaqstandyq kásipkerler ızraıldik kompanııalardyń ozyq ázirlemelerimen tanysa alatyn ızraıldik tehnologııalardyń arnaıy ortalyǵyn qurý múmkindigin qarastyrý usynyldy.
Yntymaqtastyqtyń perspektıvalyq baǵyttarynyń biri aýyl sharýashylyǵy bolyp tabylady, onda Izraılde fermerlik sharýashylyqtardy, tamshylatyp sýarýdy qoldaný arqyly egis alqaptaryn tıimdi damytýda úlken tájirıbesi bar.
L. Vekselman Izraıl Qazaqstannyń halyqaralyq arenadaǵy belsendi rólin jáne onyń álemdegi qaýipsizdik pen turaqtylyqty nyǵaıtýǵa qosqan úlesin joǵary baǵalaıtynyn atap ótti.
Izraıl Elshisi iskerlik, týrıstik jáne mádenı baılanystardy jandandyrý úshin Qazaqstan men Izraıl arasyndaǵy tikeleı áýe qatynasyn qaıta qosý máselesin qarastyrýdy usyndy.
Kezdesý qorytyndysy boıynsha yntymaqtastyqtyń orta merzimdi perspektıvaǵa arnalǵan basym baǵyttary belgilendi.