Taldyqorǵan qalasynda aýyr atletıkadan ótip jatqan Qazaqstannyń V jazǵy Spartakıadasynda jerlesimiz Aıdar Qazov altynnan alqa taqty.
Tórt jylda bir ret ótetin aıtýly básekede elimizdiń eń myqty ziltemirshileri kúsh synasýda. Oblystyń namysyn qorǵaǵan Aıdar Qazov 81 kelige deıingi salmaq boıynsha eń myqty ziltemirshi atandy. Ol julqa kóterýde – 146, al serpe kóterýde 189 kelini eńserdi. Sóıtip óziniń basty qarsylasy, Olımpıada chempıony Nıdjat Rahımovtyń aldyn orap ketti.
Spartakıada chempıonyn Respýblıkanyń eńbek sińirgen jattyqtyrýshysy Erik Álibaev jattyqtyrady.
Taǵy bir jerlesimiz Janálı Tuıaqov 102 kelige deıingi salmaqta kúsh synasady. Onyń basty qarsylasy– ataqty Ilıa Ilın.
Soltústik Qazaqstan oblysy