Elorda ákimi Altaı Kólginov qurylys salasynyń ardagerleri men qyzmetkerlerin kásibı merekelerimen quttyqtady.
«Elbasynyń jańa astanany qurý týraly sheshimi táýelsiz Qazaqstan tarıhyndaǵy serpindi qadam, pragmatızm men kóregendiktiń úlgisi bolyp tabylady. Nur-Sultan qalasyndaǵy sáýletti qurylystar, ásem ǵımarattar men kópqabatty turǵyn-úılerdiń barlyǵy – quryshqoldy qurylysshylardyń eren eńbegi. Qalanyń sánin keltirip, aıshyqtandyryp turǵan qurylystarǵa qaldyrǵan qoltańba árqaısyńyz úshin úlken mártebe»,- dedi A.Kólginov.
Elordada 65 myń qurylysshy eńbek etedi. Jyl saıyn olar 2 mln.sharshy metrden astam turǵyn úı salady. Turǵyn úı qory 5,5 esege jýyq ulǵaıǵanyna qaramastan, elordada áli de óz baspanasy joq otbasylar bar.
Memleket basshysy Qasym-Jomart Kemeluly Toqaevtyń tapsyrmasyna sáıkes, qalamyzda qoljetimdi baspana qurylysy artatyn bolady.
«Biz áleýmettik saladaǵy qurylys kólemin ulǵaıtýdy josparlap otyrmyz jáne sizdiń kásibıligińizge basty áleýmettik basymdyqtardyń tabysty sheshilýi baılanysty. Abyroıly da jaýapty jumystaryńyzǵa tabys tileı otyryp, Sizderdiń denderińizdiń saý, otbasylaryńyzdyń aman bolýyna tilektespin», - dedi A.Kólginov.