Bul týraly Qorǵanys mınıstrliginiń baspasóz qyzmeti habarlady.
Halyqtyń qaýipsizdigin qamtamasyz etý maqsatynda QR Qorǵanys mınıstrligi Arys qalasynyń turǵyndaryna oq-dárilerdiń bólshekteri men basqa da kúdikti zattar tabylǵan jaǵdaıda mobıldi topqa habarlap, eshqandaı derbes is-qımyl jasamaýdy suraıdy.
«Arys qalasynda turǵyndardyń ótinishteri boıynsha áreket etetin ınjener-saperlerdiń mobıldi toby jumys isteıtinin eske salamyz. Mamandar qala aýmaǵynda tabylǵan zattardy jınaý boıynsha tıisti jumystar júrgizedi. Injener-saperlerdi shaqyrý úshin mobıldi toptyń aǵa ókili kún saıyn kezekshilik etetin 102 telefonyna qońyraý shalyp, ornalasqan jerin jáne basqa da qajetti málimetterdi habarlaý qajet», delingen habarlamada.