Nur-Sultanda «Akbarys Protection» evakýasııalyq qutqarý qalqandaryn shyǵarýshy jańa zaýyttyń saltanatty ashylýy ótti. Zaýyttyń ashylýyna qala ákiminiń orynbasary Malıka Bekturova qatysty. Bul týraly qala ákimdiginiń resmı saıty habarlady.
Zaýyt «Astana – jańa qala» AEA aýmaǵynda ornalasqan, ákimshilik tarapynan damyp kele jatqan bızneske barlyq kómek kórsetilýde.
Jobanyń áleýmettik máni - halyqty jumyspen qamtamasyz etý. Olardyń basym bóligi – áıelder. Memeleket basshysy kásipkerliktiń damýy men otandyq taýar óndirýshilerdi qoldaýǵa asa kóńil bóletinin atap ótken jón.
Shaǵyn jáne orta bıznes turaqty azamattyq qoǵamnyń negizi jáne barlyq qazaqstandyqtardyń ál-aýqaty onyń sharyqtaýyna baılanysty.