Beısenbi, 14 naýryz 2013 2:37
Keshe Ortalyq saılaý komıssııasynda jýrnalıstermen brıfıng bolyp ótti. Onda OSK-niń bas sarapshysy Venera Jeksembekova Soltústik Qazaqstan oblysynan shyǵyp qalǵan Parlament Senaty depýtatynyń ornyna jáne máslıhattardyń shyǵyp qalǵan depýtattarynyń ornyna saılaý jónindegi saılaý naýqandarynyń barysynan habardar etti.
Beısenbi, 14 naýryz 2013 2:37
Keshe Ortalyq saılaý komıssııasynda jýrnalıstermen brıfıng bolyp ótti. Onda OSK-niń bas sarapshysy Venera Jeksembekova Soltústik Qazaqstan oblysynan shyǵyp qalǵan Parlament Senaty depýtatynyń ornyna jáne máslıhattardyń shyǵyp qalǵan depýtattarynyń ornyna saılaý jónindegi saılaý naýqandarynyń barysynan habardar etti.
Venera Jeksembekovanyń aıtýynsha, osy jyldyń 15 naýryzynda Soltústik Qazaqstan oblysynan shyǵyp qalǵan Parlament Senaty depýtatynyń ornyna saılaý ótkiziledi. Saılaý naýqany barysynda barlyǵy bes úmitker usynylǵan. Olardyń úsheýin oblystyq saılaý komıssııasy Parlament Senatynyń depýtattyǵyna kandıdattar retinde tirkedi. Olar – ózin ózi usyný tártibimen óz kandıdatýralaryn usynǵan Esengeldi Qarbaev pen Qabıden Sádýaqasov, sondaı-aq Taıynsha aýdany men M. Jumabaev aýdanynyń máslıhattary usynǵan Serik Bilálov. Tirkelgen kandıdattardyń barlyǵy 23 aqpannan bastap saılaý aldyndaǵy úgit jumystaryna kiristi. Úgit kúntizbelik josparǵa sáıkes 13 naýryzda saǵat 24.00-de aıaqtaldy.
Qazirgi ýaqytta barlyq bıýlletender jetkizildi, al tańdaýshylardyń birlesken otyrysy ótkiziletin úı-jaıda daýys berý pýnkti jabdyqtalý ústinde. Daýys berýdi, daýystardy sanaý men daýys berý nátıjelerin jarııa etýdi Soltústik Qazaqstan oblystyq saılaý komıssııasy bir kúnniń ishinde – 15 naýryzda júrgizetin bolady. Saılaý týraly zańǵa saı tańdaýshylardyń birlesken otyrysy, oǵan oblystyń barlyq máslıhattarynan ókil retinde saılanǵan depýtattar sanynyń 50 paıyzdan astamy qatyssa, zańdy bolady. Eger daýys berýdiń birinshi týrynda saılaý bıýlletenine engizilgen kandıdattardyń birde-bireýi saılanbasa, oblystyq saılaý komıssııasy eń kóp daýys alǵan eki kandıdat boıynsha qaıta daýys berý ótkizedi. Bul rette qaıta daýys berý saılaý týraly zańnyń talaptary saqtala otyryp, bastapqy daýys berý bolǵan kúni ótkiziledi.
Bıylǵy jyldyń 31 naýryzynda elimizdiń 13 óńirindegi 57 saılaý okrýginde máslıhattardyń shyǵyp qalǵan depýtattarynyń ornyna saılaý ótkiziledi. Venera Jeksembekovanyń habardar etýinshe, onda barlyǵy 6 oblystyq, 13 qalalyq jáne 38 aýdandyq máslıhat depýtattary saılanatyn bolady. Saılaý naýqany qajetti qarjylyq jáne materıaldyq-tehnıkalyq resýrstarmen qamtamasyz etilgen. Saılaý naýqany barysynda 167 kandıdat usynyldy, olardyń 59-yn saıası partııalar usynǵan bolsa, 108-i ózin ózi usynǵandar.
Qazirgi kezde kandıdattardy tirkeý aıaqtaldy, 157 adam kandıdat retinde tirkeldi. Olardyń 60-y saıası partııalardyń músheleri, 68-i partııada joq, taǵy 29-y ózderiniń partııaǵa tıesililigin kórsetpegen. Úgit jumystary 29 naýryzda saǵat 24.00-de aıaqtalady. Saılaý kúniniń aldyndaǵy kúni jáne daýys beretin kúni saılaý aldyndaǵy úgitke tyıym salynǵan. Ortalyq saılaý komıssııasyna shaǵymdar men ótinishter túsken joq.
Memleket basshysynyń tapsyrmasyna sáıkes 2013 jylǵy qyrkúıekten keshiktirilmeı, elimizde aýdandyq mańyzy bar qalalardyń, aýyldyq okrýgterdiń, aýyldyq okrýgtiń quramyna kirmeıtin kentter men aýyldardyń ákimderin tıisti máslıhattar arqyly saılaý uıymdastyrylyp, ótkizilýi tıis. Brıfıngte belgili bolǵanyndaı, kandıdattardy usynýdy aýdan ákimi jergilikti qoǵamdastyqpen keńesý arqyly balama negizde júzege asyrady. Al osy saılaý naýqanyn bastaý merzimderi áli túpkilikti anyqtalmaǵan eken. Qazirgi ýaqytta tıisti ázirlik jumystary júrgizilip jatyr. Shamamen 2500 ákim saılanýǵa tıis, bul barlyq deńgeıdegi ákimderdiń jalpy sanynyń 90 paıyzyn quraıdy.
Jastar arasynda saılaýdy nasıhattaý, sondaı-aq, olardyń bilim berý jáne aqparattyq tehnologııalar arqyly demokratııalyq úderisterge qatysý tájirıbesin jınaqtaýy maqsatynda Ortsaılaýkom el óńirlerinde jastarǵa quqyqtyq bilim berý jobasyn iske asyrýdy jalǵastyrýda. Búginde osy joba boıynsha is-sharalar Pavlodar, Mańǵystaý, Batys Qazaqstan, Qyzylorda jáne Qaraǵandy oblystarynda ótti. Jaqyn arada mundaı sharalar Jambyl jáne Ońtústik Qazaqstan oblystarynda bastalady. Sonymen qatar, Ortsaılaýkom joǵary oqý oryndary stýdentteriniń arasynda jastardyń elektorattyq mádenıetin qalyptastyrý problemalary boıynsha eń úzdik zertteý jobasyna konkýrs jarııalap otyr. Ol 10 qańtardan bastap 31 mamyr aralyǵynda eki kezeńde ótkiziledi.
Álısultan QULANBAI,
«Egemen Qazaqstan».