Arystyń alǵysyn arqalap qaıtty

Jarylys bolǵan kúnniń erteńinde-aq kenshiler astana­sy­nyń áýejaıynan 10 tonnadan astam gýmanıtarlyq júk tıegen ushaq Túrkistan oblysyn betke alyp ushyp shyqty. Qarlyǵashtyń qanatymen sý sepkenindeı bolǵan bul shara­patty isti Arys halqy árdaıym rızashylyqpen eske alyp júreri sózsiz.

Kúni keshe Qaraǵandy ob­ly­synyń qurysh qoldy qu­ry­lysshylary Arys qala­synda júrgizgen jóndeý jáne qurylys jumystaryn tolyq­taı aıaqtap, úlken abyroımen úılerine oraldy. Olar bir aıǵa jýyq ýaqyt ishinde qyrýar is tyndyryp, 519 pá­ter men 72 jekemenshik úıdi jón­deýden ótkizdi.

Jalpy, alapat jarylys­tan zaqymdanǵan turǵyn úı­lerdi qalpyna keltirý ju­mys­­tary­na oblystyń 20-dan astam qu­ry­lys fırmasy atsalys­qan eken. Tórt júzge jýyq ju­mys­shy kún-tún de­meı eń­b­ek etip, moıynǵa alyn­ǵan  min­detti abyroımen oryndap shyqty.

– Biz munda 28 maýsym­da kelgen bolatynbyz. Bul ju­mystarǵa ártúr­li qury­lym­dar men 25 merdig­erlik uıym tartyldy. Árbir beki­til­gen úı boıynsha is-shara­lar jospary jasaldy, – dedi Qaraǵandy oblystyq qu­ry­lys, sáýlet jáne qala qurylysy basqarmasynyń basshysy Taıhan Qalmahanov.

Aıta ketý kerek, jón­deý jumystarynda júr­gen merdigerler Arys tur­ǵyn­dary­nyń tragedııasyn júrek­pen sezinip, apattyń sal­daryn joıý isine bar yn­ta-shyntasymen kirisken bola­­tyn. Sondaı merdigerdiń biri – «Jılkomhoz-2030» JShS dırektorynyń orynba­sary Talǵat Qasymhanov qa­ıy­­rym­dylyq sharasynan qa­lys qalmaı, saýapty iske óz­­deriniń de súbeli úles qos­qan­­­dyqtaryn oryndy maqtan etti.

– Biz kópqabatty 11 úıge jaýapty boldyq. Qajet­ti jóndeýden basqa, turǵyn­dar­dyń ótinish-tilekterin oryn­dadyq. Bizdiń mamandarmen birge jergilikti turǵyndar da tize qosa jumys istedi. Jal­py, Arys qalasyndaǵy jón­deý jumystary kezinde 200-ge jýyq adamdy qabyl­dap, qoldan kelgen kómekti kór­settik, – deıdi T.Qasymhanov.

Arystaǵy turǵyn úıler­di jóndeý jumystary barysynda Qaraǵandy  qurylys­shy­laryna oblysta bolǵan tótenshe jaǵdaılar kezinde jınaqtaǵan jumys tájirıbesi kóp kómegin tıgizipti. Bul týrasynda oblystyq  qurylys, sáýlet jáne qala qurylysy bas­­qar­­masynyń basshysy Taı­han Qalmahanov bylaı deıdi:

– 2015 jyly Qaraǵandy obly­sy­nyń biraz eldi me­ken­deri sý tasqynynan qatty zardap shekti. Sol kezde topan sý qursaýynda qalǵan tur­ǵyn­darǵa jedel túrde kómek­tesý kerek boldy. Bizdiń qu­ry­lysshylar dala jaǵ­daıyn­­­da jumys isteýge sol kezderi tóse­lip aldy. Biz úshin mundaı jaǵdaı úırenshikti sharýa dep aıtýǵa bolady.

Qaraǵandylyq qurylys­shylar Arys qalasynda kóp­qabatty úılerdi jóndeýmen ǵana aınalyspaı, jumys barysynda týyndaǵan máselelerdi sheshý úshin turǵyndar arasynda qabyldaý da júrgizipti. Munyń ózi adamdardyń usaq-túıek máselelerge bola shtab­qa baryp áýre bolmaı-aq, sharýasyn úıiniń mańynda júrip-aq sheshýine ıgi yqpalyn tıgiz­gen.

Qaraǵandylyqtardyń Arys turǵyndary úshin jasa­ǵan taǵy bir jaqsylyǵyn aıt­paı ketýge bolmas. Arqa azamattary óz bastamalary boıynsha jergilikti jurtqa demeýshilik qarajat esebi­nen sport alańyn jabdyqtap be­rip­ti. Mundaǵy dene shy­nyq­­­t­yrý jattyǵýlary úshin qa­jet­ti sporttyq qural­dar kóp­qabatty úıler tur­ǵyn­dary­nyń kóńilinen shy­ǵyp, olar qaraǵandylyq qaıyrym­dy qurylysshylarǵa degen alǵystaryn shyn júrekten jaýdyrǵan.

Jalpy, Arystaǵy Qaraǵan­dy oblysy ákimdigi uıymdas­tyrǵan shtabtyń jumysyna jergilikti turǵyndar dán rıza bolyp, joǵary baǵa bergen. Shtabtan bólek munda óńirden kelgen tehnıkalyq qadaǵalaý uıymdary men memlekettik organdardyń ókilderi de ortaq iske ózderiniń úlesin qosqanyn aıta ketken lázim.

Sóıtip qıyn jaǵdaıda Arys halqyna qol ushyn bergen qaraǵandylyqtar ońtús­tik­t­en osylaısha alǵys deıtin mol oljamen oraldy.

Qaraǵandy oblysy