Qostanaıda alty qurylysshy men sáýletshige «Qurmetti qurylysshy» jáne «Qurmetti sáýletshi» tósbelgileri tapsyryldy.
«Qurylysshy – ólmeıtin mamandyqtyń biri. Olardyń eńbegi qashan da qurmetke laıyq. Men Arysta qurylysshylar eńbeginiń qandaı aýyr jáne kerek ekenin kózimmen kórip kelip otyrmyn. Sondyqtan Sizderdi marapat tapsyrý men úshin mártebe» dedi oblys ákiminiń orynbasary Sergeı Karplıýk.
«Qurmetti qurylysshy» tósbelgisimen qurylysshy Murat Begalın, Vasılıı Voıseh, «Qurmetti sáýletshi» tósbelgisimen sáýletshiler Asqar Satmaǵanbet, Alısh Mehbalıev, Svetlana Ostapchýk, Vladımır Tıtov marapattaldy.
«Bizdiń eńbegimiz qalanyń ósýinen kórinip otyr. Bıyl biz salalyq qaýymdastyq qurdyq. Ol aldyna kóptegen mańyzdy máseleler jóninde maqsat qoıdy. О́zekti máselelerdi birigip sheshetin bolamyz» dedi Kásipkerlerdiń óńirlik keńesiniń tóraǵasy, Oblystyq qurylysshylar qaýymdastyǵynyń tóraǵasy Igor Kım.
Qostanaı