Mamlıýtka qalasyndaǵy úılerdiń biriniń qorasynan 39 jastaǵy áıel men onyń 3 jasar qyzynyń máıitteri tabyldy.
Oblystyq departament polısııasynyń baspasóz ortalyǵynyń málimdeýinshe qylmysker áıel men qyzyn pyshaqtap óltirip, birden izin sýytqan. Al marqumdardyń jansyz denelerin ýchaskelik polıseı taýyp alǵan.
Qylmysqa qatysy bar degen kúdikpen 25 jastaǵy jigit ustaldy. Ol marqumnyń tanysy eken. Kúdikti óz kinásin tolyq moıyndady. Aldyn ala málimetterge sáıkes, qaıǵyly oqıǵanyń oryn alýyna turmystyq kıkiljiń sebep bolǵan. Jigit buǵan deıin birneshe ret ákimshilik jáne qylmystyq jaýapkershilikke tartylǵan eken. Tártip saqshylary ony Petropavl qalasynda quryqtady.
«Qazirgi ýaqytta atalǵan fakti boıynsha qylmystyq kodekstiń 99-shy babynyń 2-shi tarmaǵy boıynsha sotqa deıingi tergeý jumystary júrgizilýde. Ustalǵan azamat Mamlıýt aýdandyq polısııa bóliminiń ýaqytsha tergeý ızolıatoryna qamaldy», deıdi baspasóz ortalyǵynyń bas mamany Nurbek Baekın.
Soltústik Qazaqstan oblysy