Abaıdyń ánderi shyrqalyp, kúıleri tartyldy, shyǵarmalarynan úzindiler oqyldy.
Uly Abaıdyń týǵan kúni qarsańynda О́skemendegi S.Amanjolov atyndaǵy Shyǵys Qazaqstan memlekettik ýnıversıtetiniń bastamasymen Abaı aýdany ákimdiginiń qoldaýymen «Abaı eline taǵzym» atty forým ótti.
Ýnıversıtettiń baspasóz qyzmetiniń habarlaýynsha, forýmǵa oqý ornynyń rektory Muhtar Tólegen bastaǵan oqytýshylar men stýdentter, jıyny 72 adam О́skemennen arnaıy kelipti. Shara barysynda Abaıdyń ánderi shyrqalyp, kúıleri tartyldy, shyǵarmalarynan úzindiler oqyldy.
Sondaı-aq, «ShQO-nyń qasıetti jerlerin zertteýdegi S.Amanjolov atyndaǵy ShQMÝ-dyń úlesi» kórmesi, «Abaı oqýlary» ótip, ýnıversıtetishilik «Abaı oqýlary» saıysynyń jeńimpazdary marapattaldy.
Abaıtaný salasyna eńbegi sińgen birqatar azamattarǵa ýnıversıtettiń ǵylymı keńesi sheshimimen «Abaı» medali tapsyryldy. Resmı sharalardan soń Abaı rýhyna, ata-babalar arýaǵyna quran baǵyshtalyp, 300-ge tarta adamǵa as berildi. Abaı, Shákárim murajaılaryna saıahat jasalyp, Abaı eli, uly tulǵalary, Abaı, Shákárim, Muhtar murasyna qatysty taǵylymdy áńgimeler aıtyldy.
«Forýmnyń maqsaty – Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda Abaı Qunanbaev esimin ulyqtaý, ulylar ólkesine taǵzym etý, stýdent jastar arasynda Abaı murasyn nasıhattaý. S.Amanjolov atyndaǵy ShQMÝ ujymynyń ıgi bastamasyn basqa oqý oryndary jalǵastyryp, «Abaı eline taǵzym» kıeli kerýeni Abaıdyń keler zamandarǵa rýhanı saparyn jalǵastyra bersin!» deıdi ýnıversıtet rektory M.Tólegen.
Shyǵys Qazaqstan oblysy