Tamyz aıynyń ekinshi jeksenbisi elimizde qurylysshylardyń kásibı merekesi retinde atap ótiledi. Mereıli kún qarsańynda Almatyǵa jumys saparymen kelgen Úkimet basshysy Asqar Mamın qala qurylysyna qomaqty úles qosqan eńbekkerlerdi quttyqtaý saltanatyna qatysty.
Alyp megapolıs jyl saıyn kórkeıip, bıik úıler men záýlim ǵımarattar boı túzep keledi. Bul nysandardyń barlyǵynda qurylysshylardyń qoltańbasy jatyr. Sondyqtan qurylysshy eńbegi qashan da qurmetke laıyq. Bıyl Almatyda 2 mln 100 myń sharshy metr qurylys júrgiziledi. Onyń 75 myń sharshy metri memlekettik baǵdarlama boıynsha turǵyzylatyn páterler. Jyl basynan beri qalada 1 jarym myń otbasy qonys toıyn toılaǵan.
«Búginde qurylys salasy ekonomıkanyń negizgi draıverleriniń biri bolyp tabylady. О́tken 7 aıdyń qorytyndysy boıynsha qurylys salasynyń ósý qarqyny 11 paıyzǵa jýyqtady. Al, ekonomıkamyz jalpy alǵanda 4 paıyzǵa damydy. Demek, qurylys salasy ekonomıkany damytýǵa serpin berip otyr. Munyń barlyǵy sizderdiń jankeshti eńbekterińizdiń arqasyndaǵy kórsetkish. Sondyqtan, Qazaqstandy kórkeıtý jolyndaǵy kúndelikti jumystaryńyzǵa tabys tileımin!», – dedi QR Premer-mınıstri Asqar Mamın.
ALMATY