Bul týraly Nur Otan partııasynyń Tóraǵasynyń birinshi orynbasary B.Baıbek tvıtter paraqshasynda jazdy.
«Belgili jýrnalıst, qarymdy qalamger Nurtóre Júsipti ózimniń jáne «Nur Otan» partııasynyń atynan Senat depýtaty bolyp taǵaıyndalýymen quttyqtaımyn! Ol 10 jyldan astam ýaqyt partııaǵa qarasty «Aiqyn» gazetin basqaryp, basylymnyń úzdik atanýyna zor eńbek sińirdi. Tek sońǵy bir jylda N.Júsiptiń qoǵamdaǵy ózekti máselelerdi arqaý etken 300-den astam maqalasy jarııalandy. Áriptesimizdiń Parlament qabyrǵasynda da abyroıly qyzmet atqaratynyna kámil senemin jáne sol jolda tabys pen sáttilik tileımin», dep jazdy B.Baıbek.