«Turmys» respýblıkalyq aksııasy kezinde 5 kúnniń ishinde ǵana 120-dan astam turmystyq zorlyq-zombylyq faktileri tirkeldi.
Arnaıy uıymdastyrylǵan reıdke úshjúzden astam tártip saqshylary jumyldyrylyp, turmysy tómen kóptegen otbasylardy aralaǵan. Jaı-kúıimen tanysqan. Otbasy múshelerine zań talaptary túsindirilip, birqatar naqty keńester berilgen.
«Polısııa qyzmetkerleri otbasylyq turmystyq-quqyq buzýshylyqtardyń aldyn alý maqstymen býkletter ázirledi. Sondaı-aq názikjandylarǵa senim telefondary berildi. Aksııa bastalǵaly óńirde 124 turmystyq zorlyq-zombylyq oqıǵasy áshkerelense, onyń 17-si “senim telefony” arqyly habarlandy», deıdi Petropavl qalalyq ishki ister bóliminiń aǵa ınspektory Juldyz Baǵyt.
Qazir arnaıy esepte 290 adam tur. Olardyń 78-i maskúnem bolsa, 27-si turmysy tómen otbasylardan shyqqan.
Soltústik Qazaqstan oblysy