Qostanaı oblysy Polısııa departamentiniń qyzmetkerleri apta saıyn Tilderdi oqytý ortalyǵynda bilim alady. Aldaǵy birer kúnde 26 polıseı emtıhandy sátti tapsyrǵan soń latyn grafıkasy kýrsyn aıaqtaǵany týraly sertıfıkatqa ıe bolady. Tamyz aıynyń sońyna deıin taǵy 22 qyzmetker latyn qarpin meńgeredi. Bul týraly PD Baspasóz qyzmeti habarlady.
Olardyń arasynda oblystyq Polısııa departamenti medısınalyq bóliminiń basshysy Qaırat Nurtazenov erekshe atap ótýge bolady.
Onyń aıtýynsha, munda alǵan bilimderin ol óz jumysynda qoldana alady jáne osyndaı kýrstardan ótýge ózge de áriptesterine keńes beredi. Medısınalyq bólim basshysymen birge bul sabaqqa 6 qyzmetker qatysady.
- Kýrstarǵa memlekettik tildi meńgergen, sondaı-aq, oqýdy bastaǵan0 jáne ortasha tildik deńgeıi bar adamdar da qatysady, - deıdi oblystyq PD Ishki jáne syrtqy kommýnıkasııalar bóliminiń qyzmetkeri Áseman Túgelbaeva.
Polısııa qyzmetkerleri arasynda oqý úrdisin uıymdastyryp qana qoımaı, sonymen qatar, kýrstardy bitirgeni týraly sertıfıkat alǵandar da bar.
- Osy jumysqa jaýap beretin qyzmetker retinde, birinshi kezekte, men latyn grafıgin ózim jetik meńgerdim. Aldaǵy ýaqytta departamenttiń árbir qyzmetkeri mindetti túrde latyn qarpin oqıtyn bolady, - dedi Á. Túgelbaeva.