5-10 tamyz aralyǵynda Almaty qalasy Zarechnyı kentinde Qazaqstan Respýblıkasy Ulttyq ulanynyń Jaýyngerlik jáne ádistemelik ortalyǵynda Qyrǵyz Respýblıkasy, Tájikstan Respýblıkasy jáne О́zbekstan Respýblıkasy Ishki ister mınıstrleriniń arnaıy maqsattaǵy bólinisteri jaýyngerlerimen oqý-ádistemelik jıyn ótti.
Birlesken oqý-jattyǵýǵa Ulttyq ulannyń «Búrkit» arnaıy maqsattaǵy bólinisi men Almaty qalasy polısııa departamentiniń arnaıy maqsattaǵy bólinisiniń nusqaýshylary jetekshilik etti.
Qazaqstan, Qyrǵyzstan, Tájikstan jáne О́zbekstan Ishki ister mınıstrleriniń Ekinshi otyrysy aıasynda atalǵan quramdaǵy delegasııa 10 tamyz kúni Orta Azııa elderi arnaıy maqsattaǵy bólinisteri jaýyngerlerimen ótip jatqan oqý ádistemelik jıynnyń jabylýyna qatysty. Quqyq qorǵaý vedomstvolarynyń basshylary arnaıy maqsattaǵy bólinis áskerı qyzmetshileriniń krızıstik jaǵdaılardaǵy is-qımyldaryn, kásibı sheberlikteri men jaýyngerlik daıyndyqtaryn joǵary baǵalady. Ulttyq ulan Bas qolbasshysy, general-leıtenant Rýslan Jaqsylyqov qonaqtardy Jaýyngerlik jáne ádistemelik ortalyq bazasymen tanystyrdy.
Aıta ketelik, jıyn barysynda shabýyl tobynyń túrli tásilderi men is-qımyldary pysyqtaldy. Sondaı-aq jıyn qatysýshylarymen arnaıy-taktıkalyq daıyndyq sabaqtary ótkizildi, turǵyndy aımaqty bekiniske alý tobynyń jedel operasııalar kezindegi qımyl jáne atys taktıkasy, jeńil avtokólikti quryqtaý tobynyń ádis taktıkasy úıretildi.