Qaraǵandy oblysynyń Qarqaraly aýdanyndaǵy orman órtine baılanysty tótenshe jaǵdaı jarııalandy. Bul týraly sheshimdi jergilikti aýdannyń ákimi qabyldady.
«Qazirgi ýaqytta Qarqaraly aýdanynda jergilikti aýqymda tabıǵı sıpattaǵy tótenshe jaǵdaı rejimi jarııalanǵan», dep rastady aqparatty oblystyq TJD-nyń baspasóz qyzmeti.
Aldyn-ala málimetterge qaraǵanda, órtenip jatqan aýmaqtyń kólemi 500 gektardy quraǵan.
Orman órtin sóndirýge tótenshe jaǵdaılar jónindegi departamenttiń, Qarqaraly memlekettik ulttyq parkiniń, Qý orman jáne janýarlar álemin qorǵaý jónindegi sharýashylyǵynyń, órt sóndirý erikti qurylymdarynyń, jergilikti polısııa qyzmetiniń 169 qyzmetkeri men 27 tehnıka birligi jumyldyrylǵan.
Sonymen qatar, órt sharpyǵan aýmaqta «Qazavıaormanqorǵaý» mekemesiniń MI-2 tikushaǵy áýeden barlaý júrgizýde. Sondaı-aq, oqıǵa ornynda joǵarydan sý shashatyn qurylǵysy bar MI-8 tikushaǵy iske kiristi, dep habarlady oblystyq TJD-nyń baspasóz qyzmeti.
Qaraǵandy oblysy