О́ńirdegi sharýashylyqtardyń birinde janarmaı quıylǵan avtosısterna órtke orandy.
Qatty jeldiń saldarynan jalyndy sóndirý múmkin bolmaǵan. Qasyndaǵy júk kóligi de janyp ketken.
Oblystyq tótenshe jaǵdaılar departamenti baspasóz qyzmetiniń habarlaýynsha, órt Maǵjan Jumabaev aýdany Qaraqoǵa aýyly mańyndaǵy «Jıgalov» sharýa qojalyǵyna tıesili janarmaı bazasynda shyqqan. Oqıǵa ornyna Býlaev jáne Petropavl qalalarynyń órt sóndirýshileri tez jetip, 9 maman men 4 tehnıka órtti aýyzdyqtaýǵa jumyldyrylǵan. Olardyń jumysyn qatty jel qıyndatyp jibergen.
О́rt sharýashylyqtyń janarmaı bazasynda KAMAZ avtosısternasynan dızel otynyn aǵyzý kezinde shyqqan kórined. Qatty jel órtti órshitip, qasynda turǵan GAZ – 53 kóligin de sharpyǵan. Saldarynan eki mashına da janyp ketken. Áıteýir janarmaı saqtalǵan qoımalar aman.
Soltústik Qazaqstan oblysy