Abaı murasyna arnaldy

Rýhanı shara barysynda «Ǵasyr­larmen úndesken asyl qazy­na» ta­qyrybynda ádebı-mádenı ekspo­zısııalyq kórme ashyldy. S.To­raı­ǵyrov atyndaǵy oblystyq kitap­ha­nanyń kórme jáne mádenı shara­lar bóliminiń jetekshisi Maral Tá­jenova­nyń aıtýynsha, ekspozısııaǵa qoıyl­ǵan sırek qordaǵy basylymdar Abaı atamyzdyń ómiri men shyǵar­ma­shylyǵyna arnalǵan.

Semeıden kelgen kórme úsh bólim­nen turady. Birinshi bólimde Abaı oqyǵan kitaptar, ekinshi bólimde Abaı týraly derekter saqtalǵan kitap­tar, al úshinshi bólimde Abaıdyń shyǵar­malary qoıylǵan.

Abaı atyndaǵy oblystyq kitap­hananyń qyzmetkeri Maıgúl Seıit­qajyqyzy kórmege ákelingen sırek qordaǵy 54 kitap jaıly aıtyp berdi.

– Kitaphanamyzdyń 136 jyldyq tarıhy bar. Abaı atamyz oqyrmany bolǵan. Bizdiń maqsat – kórmege kelý­shi­lerdi aqyn paıdalanǵan XVIII ǵasyr­dyń sońy men XX ǵasyrdyń basynda jaryq kórgen qundy ádebıet­termen tanystyrý, – deıdi Maıgúl Seıit­qajyqyzy. – Kórmede Abaı ata­myzǵa qatysty derekter saqtalǵan jazbalar da bar. Mysaly, kórmeden Álı­han Bókeıhannyń Abaıǵa jaz­ǵan qazanamasy, Abaıdyń sanaq komı­tetiniń múshesi, bastaýysh bilim berý qoǵamynyń múshesi bolǵandyǵy, osy qoǵamǵa otbasymen salǵan jarnasy týraly jáne orys Geografııalyq qoǵamy jazbalarynda Abaıdyń qansha maly, jeri bolǵany, jalpy múlki týraly da qyzyqty ári qundy derektermen tanysa alasyz.

Kórmeden Raqymjan Jamanqulov pen Yqylas Adambekovtiń redaktor­lyǵymen 1936, 1939 jyldary basylǵan latyn qarpindegi «Tańdamaly» óleń­deri men «Abaı álemi» jobasy bo­ıynsha jaryq kórgen Abaıdyń qazaq jáne orys tilderindegi shyǵarmalary oryn alǵan.

Kitaphana qyzmetkerleri Maıgúl Mal­ǵajdar, Olga Malsevanyń aıtý­lary­nsha, kórmede oqyrmandaryn qyzyq­tyrǵan kitaphananyń sırek qoryn­da 4 myńnan astam kitap bar eken.

Endi osyndaı qundy jádiger-kitaptary bar kórme Nur-Sultan qala­syna jol tartady.

PAVLODAR