Búgin Nur-Sultan qalasynda Memleket basshysy Qasym-Jomart Toqaevtyń qatysýymen jańa oqý jylynyń qarsańyndaǵy dástúrli Tamyz konferensııasy ótip jatyr.
Memleket basshysy Qasym-Jomart Toqaev otandyq bilimdi damytýdaǵy eren eńbegi men belsendi qoǵamdyq qyzmeti úshin birqatar pedagogtardy «Qurmet» ordenimen, «Eren eńbegi úshin» jáne «Shapaǵat» medalimen, sondaı-aq Qazaqstan Respýblıkasy Prezıdentiniń Alǵys xatymen, «Y. Altynsarın» jáne «Bilim berý isiniń qurmetti qyzmetkeri» tósbelgisimen marapattady.
Qasym-Jomart Toqaev otandyq bilimdi damytýdaǵy eńbegi jáne qoǵamdyq belsendi qyzmeti úshin «Qurmet» ordenimen Pavlodar qalasyndaǵy daryndy balalarǵa arnalǵan №8 lıseı-mektebi fızıka pániniń muǵalimi Anatolıı Belıdany, Almaty oblysy, Ile aýdany, M.Maqataev atyndaǵy №13 jalpy orta bilim berý mektebi tarıh pániniń muǵalimi Gúlnár Kázerbaevany, «Eren eńbegi úshin» medalimen Túrkistan oblysy, Kentaý qalasy Ahmad Iýgnakı atyndaǵy jalpy orta bilim berý mektebi matematıka páni muǵalimi Dánegúl Qýatbekti, Oral qalasynyń Á.Moldaǵulova atyndaǵy №38 mektep-lıseıi qazaq tili men ádebıeti pániniń muǵalimi Gúlzıhan Tasqarınany, «Shapaǵat» medalimen Qaraǵandy qalasynyń N.Nurmaqov atyndaǵy daryndy balalarǵa arnalǵan oblystyq mamandandyrylǵan mektep-ınternaty matematıka pániniń muǵalimi Ekaterına Neprýkty marapattady.