Qala ákimi Altaı Kólginov problemalyq nysandardyń turǵyndarymen kezdesti. 170 úleskeri bar «Kóktal-2»turǵyn úı kesheni ortalyq jylýǵa qosylmaǵan. Úı paıdalanýǵa berilmegen, turǵyndar byltyrdan beri turyp keledi. Bul týraly qala ákimdiginiń resmı saıty habarlady.
«Úıdiń jobasy bar, memlekettik saraptaýdanda óttik. Tek páter qujattaryn ala almaı otyrmyz. Qurylys salýshy bizdiń úıdiń tómengi tehnıkalyq etajdarye páter retinde satyp jibergen bolatyn. Jańbyr jaýǵan kezde shatyrdan sý ketedi. Osy máseleni qarastyryp, jóndeý jumystaryn júrgizý kerek. Ortalyq jylýǵa qosylmaǵanbyz. Eger joǵarǵy qabattar salystyrmaly túrde jyly bolsa, 1 jáne 2 qabattar sýyq. Keı kezderi tek 15 gradýs jyly bolady», - dedi "Kóktal-2" turǵyndary. Budan basqa, turǵyndar parkıngtegi oryndardy satyp alǵan, biraq parkıng jobada qarastyrylmaǵan.
Sondaı-aq, qala ákimi «Jańa Otan» problemalyq obektisinde boldy. Mundaǵy úleskerlerdiń sany 35 adamdy quraıdy. Nysan 2015 jyly problemalyq dep tanyldy. Qazir ınvestor qurylys-montaj jumystaryn bastaý úshin daıyndyq jumystaryn júrgizýde. Ákimdik tıisti qujattardy alýǵa kómek kórsetti.
Qala ákimi Altaı Kólginov «Obereg» jáne «Bereket» turǵyn úı keshenderiniń turǵyndarymen kezdesti. Syrtqy ınjenerlik jelilerge saraptama júrgizilmegen, qujattardy jınaý boıynsha jumystar júrgizilýde. "Bereket" turǵyndary úı qoldanýǵa berilmegenine qaramastan, úıde turyp jatyr.
«Bizde 68 páter, 45 úlesker bar. Úı 90% - ǵa derlik aıaqtaldy, tek ortalyq jylý júıesine turǵyn úı keshenin qosý qajet. Shatyr qazirdiń ózinde aǵyp jatyr. Qujattar joq. Aýlalar abattandyrylmaǵan, kóshe jaryǵy da joq, - dedi "Bereket" TK turǵyndary.
Ákimdik problemalyq dep tanylǵan ár qurylys obektisi boıynsha jumystar júrgizýde. Bir jarym aı ishinde qala ákimi Altaı Kólginov elordanyń 51 problemalyq nysanyn (76 úı) aralady. Úleskerlerdiń sany 14 myńnan astam adam. Qala ákimdigi turaqty negizde turǵyn úı keshenderiniń qurylysy barysyn qadaǵalaıtyn bolady.