Petropavl aýyr mashına jasaý zaýytynda ázirlengen termos-vagondardyń alǵashqy legi eksporttaldy.
Mamandardyń aıtýynsha mundaı zamanaýı tasymal quraly álem boıynsha joǵary suranysqa ıe. Jergilikti kásiporyn tez búlinetin ónimderdi esh ysyrapsyz tasymaldaıtyn ozyq jobany qysqa merzim ishinde iske asyrdy. Jańa jabdyqtyń ereksheligi kóp. Eń bastysy, tasymaldanatyn azyq-túlik, jemis-jıdek ónimderi birqalypty temperatýrada uzaq saqtalady. «Petropavl mashına aýyr mashına jasaý zaýyty» AQ bas dırektory Vadım Shaqshaqbaevtyń aıtýynsha, vagondar barlyq saraptaý komıssııalarynyń synaǵynan ótip, maquldanǵan. Onyń ishinde Qazaqstan temirjol ákimshiliginiń vedomstvoaralyq komıssııasy, sondaı-aq Máskeýdegi temir jol kóligi keńesi oń baǵalaryn berip, Keden odaǵynyń tıisti sertıfıkaty alynǵan.
Kásiporyn aıyna 50-ge jýyq termos-vagon jasap shyǵarýǵa qaýqarly.
«Mundaı vagondar joǵary suranysqa ıe. О́ıtkeni, jalpy naryqta azyq-túlik tasymaldaý jaıy qıyndap barady. Sóıtip Qazaqstannyń tranzıttik jáne eksporttyq áleýeti artatyn bolady. Otandyq óndirýshilerdiń kúrdeli jobalardy ıgerýdegi qadamdary qýantady», deıdi «Atameken» ulttyq ksipkerler palatasy bsqarma tóraǵasynyń orynbasary Evgenıı Bolert.
Keleshekte zaýyt jańa qurylǵylarmen tolyqtyrylyp, aı saıyn 100-den asa zamanaýı vagon jasaý kózdelip otyr.
Soltústik Qazaqstan oblysy