Sársenbi, 16 qańtar 2013 7:11
Álemdegi beldi de bedeldi uıymdardyń biri Halyqaralyq kórmeler bıýrosynyń sheshimimen elordamyzda Búkilálemdik EKSPO-2017 kórmesi ótetin boldy. Kórmeniń de kórmesi bar. EKSPO halyqaralyq kórmesi kúndelikti kóp sharanyń biri emes. Ony ótkizýge yntaly elder qarasy da kóp. Biraq báriniń birdeı oǵan qoly jete bermeıdi. О́tken jyldyń qarasha aıynda álem astanasy Parıj qalasynda Qazaq eli álemniń alpaýyt elderimen alamanǵa túsip, sol báıgede Astana jeńimpaz atandy. Bul halyqaralyq aıtýly sharanyń elimiz úshin bereri kóp. Sonyń ishinde EKSPO kórmesi elimizde kenjelep qalǵan týrızm salasyn damytýǵa tyń serpin bereri sózsiz.
Sársenbi, 16 qańtar 2013 7:11
Álemdegi beldi de bedeldi uıymdardyń biri Halyqaralyq kórmeler bıýrosynyń sheshimimen elordamyzda Búkilálemdik EKSPO-2017 kórmesi ótetin boldy. Kórmeniń de kórmesi bar. EKSPO halyqaralyq kórmesi kúndelikti kóp sharanyń biri emes. Ony ótkizýge yntaly elder qarasy da kóp. Biraq báriniń birdeı oǵan qoly jete bermeıdi. О́tken jyldyń qarasha aıynda álem astanasy Parıj qalasynda Qazaq eli álemniń alpaýyt elderimen alamanǵa túsip, sol báıgede Astana jeńimpaz atandy. Bul halyqaralyq aıtýly sharanyń elimiz úshin bereri kóp. Sonyń ishinde EKSPO kórmesi elimizde kenjelep qalǵan týrızm salasyn damytýǵa tyń serpin bereri sózsiz.
Astana qalasynyń týrızm, dene tárbıesi jáne sport basqarmasynyń deregi boıynsha, 2012 jyly Qazaqstannyń bas qalasynda 522,9 myń týrıst bolǵan eken. Onyń ishinde 117,5 myń adam alys shetelderden, qalǵan 405,4 adam elimizdiń basqa óńirlerinen kelgen qonaqtar bolypty. Salystyrý úshin aıta ketetin bolsaq, 2011 jyly bul kórsetkish tıisinshe 105,9 jáne 373,1 myń adam bolǵan. Sóıtip, jyl ishinde bas qalamyzǵa keletin týrıster sany 9,2 paıyzǵa artypty.
Qonaqtardy óz dárejesinde qarsy alý úshin bas qalamyzda joǵary ınfraqurylymdyq nysandardyń bolýy mańyzdy. Qazir Astanada 172 qonaq úı jumys isteıdi. Bul qonaq úılerde bir mezgilde 7162 adam tynyǵa alady. Sońǵy jyldary jan-jaqtan keletin qonaqtardyń qarasy kóbeıýine baılanysty elordamyzdaǵy qonaq úılerge degen suranys deńgeıi de artyp keledi. Máselen, 2009 jyly qonaq úı nómirleriniń adamdarmen qamtylýy 28,5 paıyz bolsa, 2011 jyly bul kórsetkish 42 paıyz, al 2012 jyly 49 paıyzdy quraǵan.
Qazirgi tańda Astana qalasynda 169 týrıstik fırma qyzmet kórsetedi. Bas qalamyzdyń halyqaralyq aýqymda bedeliniń odan ári artýy úshin bul týrıstik fırmalarǵa júkteler mindet júgi aýyr. Alaıda, týrıstik bıznes salasynda bul otandyq fırmalardyń bedeli áli de joǵary dárejede emes. Aldaǵy ýaqytta bul máselede jan-jaqty jobalar belgilenip, Astanaǵa álem nazary aýatyn 2017 jyly tórtkúl dúnıeden kelgen qonaqtarǵa joǵary servıstik qyzmet kórsetý úshin qoldan kelgenniń bárin jasaý maqsatynda qajetti is-sharanyń barlyǵy atqarylýǵa tıis.
Nııaz JYLQYBAEV.