Qostanaıda elimizdiń ulttyq (etnıkalyq) teatrlarynyń respýblıkalyq V festıvali bastaldy. Festıvaldiń ashylý saltanaty I. Omarov atyndaǵy oblystyq qazaq drama teatrynda ótti.
Oǵan respýblıkalyq uıǵyr, koreı, Shymkent qalalyq orys, Qostanaı oblystyq orys jáne I.Omarov atyndaǵy oblystyq qazaq drama teatrlary qatysyp otyr. Teatr ártisteri qyzyl kilem ústimen júrip ótti. Mádenıet jáne sport mınıstrligi kınematografııa jáne teatr basqarqamasynyń bas sarapshysy Gúlnafıs Myrzasheva mınıstr Aqtoty Raıymqulovanyń quttyqtaýyn jetkizdi. Qostanaı oblystyq mádenıet basqarmasynyń basshysy Erbol Qalmaqov oblys ákimi Arhımed Muhambetovtyń atynan festıvalge qatysýshy teatrlar ujymdary men kórermenderdi quttyqtady.
«Tobyl-Torǵaı óńiri talanttarǵa baı. Sonyń ishinde qazaq drama teatrynyń bastaýynda turǵan Serke Qojamqulov, Elýbaı О́mirzaqov, Qapan Badyrov jáne talantty ártis Ánýar Boranbaev osy topyraqtyń perzentteri ekenin aıtsaq ta jetkilikti. Bıyl Elýbaı О́mirzaqovtyń týǵanyna 120 jyl tolady. Festıvaldiń tabysty ótýine tilestestik bildirgen oblys ákimi Arhımed Muhambetovtyń sálemin jetkizgim keledi. Sizderge oblystyq qazaq jáne orys drama teatrlary elimizdiń teatr óneriniń damýyna úles qosyp keledi. Sharanyń basty maqsaty mádenı jáne tildik alýantúrlilikti saqtaý, etnostar mádenıetiniń ózara tolysýy, eldegi etnıkaaralyq kelisimdi nyǵaıtý jáne Qazaqstan halqynyń baı mádenıetin odan ári damytý bolyp tabylady», dedi Erlan Bolatuly.
«Biz teatr bolǵaly Qostanaıǵa birinshi ret kelip otyrmyz. Festıvaldiń arqasynda qostanaılyqtarǵa ónerimizdi usynamyz. Uıǵyr teatry ártisteriniń óneri qostanaılyq kórermender kóńilinen shyqsa arman joq, «Apat» atty spektakldi alyp keldik», deıdi Q.Qojamııarov atyndaǵy uıǵyr teatrynyń kórkemdik jetekshisi Iаlqynjan Shameev.
Festıval ótetin 20-23 tamyz aralyǵynda qostanaılyqtar men qala qonaqtary bes teatrdyń spektaklderin tamashalaıdy. Festıvaldiń ashylý saltanatyna Qazaqstan Respýblıkasy Májilisi Parlamentiniń depýtaty Natalıa Jumadildaeva qatysty. Ol qazylar alqasy quramynda da bolady.
Qostanaı