Almaty ákimi Baqytjan Saǵyntaevtyń tapsyrmasy boıynsha Qoǵamdyq densaýlyq basqarmasy 1 tamyzdan bastap qoljetimdi medısınalyq qyzmet kórsetý úshin jyljymaly mobıldi keshenderdi halyq arasyna jibergen bolatyn. Keshenderdiń barlyǵy qajetti qondyrǵylarmen tolyq jabdyqtalǵan. Bul týraly Almaty qalasy ákimdiginiń baspasóz qyzmeti habarlady.
Qazirgi kezde medıkter megapolıstiń 40-tan astam shet aımaqtarynda bolyp, 10 myńnan astam qalalyqtarǵa tegin medısınalyq qyzmet kórsetti jáne keńesterin berdi.
Aılyqtyń maqsaty – bir qadam jaqyn qoljetimdi medısınalyq qyzmet kórsetý. О́ıtkeni, halyqtyń kópshiligi aldyn-ala medısınalyq baqylaýdan ótý úshin emhanalarǵa ýaqtyly bara bermeıdi.
Jalpy baqylaý kezinde júrek–qan tamyrlary patologııasynyń keń taraǵany anyqtaldy. Qan qysymynyń kóterilýi - gıpertonııa 80%-dy quraıdy. Alǵash ret medısınalyq baqylaýdan ótkender arasynda «qant dıabetine» shaldyqqandar da anyqtaldy.
Medısına qyzmetkerleri kópshilik arasynda mindetti medısınalyq saqtandyrý, salaýatty ómir saltyn qalyptastyrý boıynsha aqparattyq-túsindirý jumystaryn da joǵary deńgeıde júrgizýde.