Mańǵystaýda bilim salasynyń úzdikteri QR «Y.Altynsarın» tósbelgisimen, QR «Bilim berý isiniń qurmetti qyzmetkeri» tósbelgisimen jáne Mańǵystaý oblysynyń Qurmet gramotasymen marapattaldy. Sonymen qatar, QR Bilim jáne ǵylym mınıstrligi Bolon prosesi jáne akademııalyq utqyrlyq ortalyǵy dırektorynyń orynbasary Aıdos Agdarbekuly QR Bilim jáne ǵylym mınıstrliginiń marapattaryn tapsyrdy.
Dástúrli túrde jyl saıyn QR Bilim jáne ǵylym mınıstrliginiń buıryǵyna sáıkes, jalpy bilim beretin mektepterdiń qyzmetin baǵalaý maqsatynda «Orta bilim beretin úzdik uıym» grantyna oblystyq konkýrs ótkiziledi. Bıylǵy jyly komıssııanyń sheshimimen konkýrsta úsh mektep jeńimpaz bolyp tanyldy.
Úshinshi oryndy Qaraqııa aýdany Quryq gımnazııasy ıelenip, mektepke 8 mıllıon teńge kólemindegi sertıfıkat tabystalsa, ekinshi oryndy jeńip alǵan Bilim-ınnovasııa lıseıi mektebine 10 mıllıon teńge kólemindegi sertıfıkat berildi. Al Aqtaý qalasyndaǵy IT-lıseı jeńimpaz dep tanylyp, mektepke 16 mıllıon teńge kólemindegi sertıfıkat tabystaldy.
Grant qarjysy mekteptiń materıaldyq-tehnıkalyq bazasyn nyǵaıtýǵa jumsalatyn bolady.
Mańǵystaý oblysy