Aqtóbe oblysynyń Aımaqtyq palatasynyń jeke sot oryndaýshylary Qarǵaly aýylynda turatyn kóp balaly otbasyǵa kómektesip jatyr. Aımaǵambekovter otbasynda 5 bala bar. Otanasy bala tárbıesimen úıde otyr. Al otaǵasy aýla sypyrýshy bolyp jumys isteıdi. Jalaqysy az.
Búginde bir jerden sym, bir jerden shıfer, endi bir jerden qıyrshyq tas pen boıaý satyp alyp júrgen otbasy ózderi salyp jatqan úıdiń bir bólmesinde turady. «Bizdiń eń úlken armanymyz - osy úıimizdi salyp bitirý. Joldasym qolynan kelgenshe tyrysyp júr. Úıdi salyp alsaq, balalarymyz sol úıde baqytty ǵumyr keshetin bolady» deıdi Bıbigúl Aımaǵambekova.
Biraq úıdi tolyq salyp bitirý úshin qarajat jetpeı jatqan kórinedi. Al jaqynda balalar úshin sabaq bastalady. Olardy mektepke daıyndaý kerek.
"Jeke sot oryndaýshylarǵa kómekteri úshin rahmet aıtamyz. Balalarǵa mektep formasyn satyp aldyq. Úıdi salyp bolǵannan keıin bárin mindetti túrde úıge qonaqqa shaqyramyn. Bizdiń otbasy qıyn kezde qol ushyn sozǵan jandardy eshqashan umytpaıdy» deıdi Aımaǵambekovter otbasy.