Búgin Úkimette ótken baspasóz konferensııasynda Nur Otan partııasynyń múshesi, «Ulttyq ǵylymı kardıohırýrgııa ortalyǵy» AQ basqarma tóraǵasy Iýrıı Pıa BAQ ókilderine QR Tuńǵysh Prezıdenti – Elbasy N. Á. Nazarbaevtyń bıyl 21 tamyzda Nur Otan partııasynyń saıası keńesiniń keńeıtilgen otyrysynda alǵa qoıǵan mindetteri qalaı iske asyrylyp jatqany týraly aıtyp berdi. Bul týraly primeminister.kz habarlady.
«Tuńǵysh Prezıdent tehnologııalar men joǵarǵy zerdeni damytý men engizý máselesine úlken kóńil bóldi. Tehnologııalar bizdiń ómirimizge barynsha engizilgen deýge bolady. Jasandy júrekti jandandyrý men symsyz energııa taratý boıynsha álemdegi alǵashqy operasııa 2018 jyldyń 15 jeltoqsanynda Qazaqstanda bizdiń ortalyqta jasaldy. Biz bul tehnologııa medısınada alǵash ret tájirıbege engizilgen el retinde tarıhqa endik. Meniń oıymsha, biz jasandy zerdeniń damýynyń kýágerleri bolamyz», — dedi« Ulttyq ǵylymı kardıohırýrgııa ortalyǵy» AQ basqarma tóraǵasy Iýrıı Pıa.
Saıası keńestiń otyrysynda QR Tuńǵysh Prezıdenti – Elbasy N. Nazarbaev Qazaqstan jasandy zerdeni qoldaý maqsatynda aýqymdy jáne júıeli sharalardy qabyldaýy kerek ekenin atap ótti.
«Tehnologııa men medısınanyń ózara baılanysýyna jol ashyldy. Qazir biz óz ortalyǵymyzda damyǵan elderdiń – Eýropa, AQSh, Kanada, Ońtústik-Shyǵys Azııa elderiniń azamattary úshin qoljetimdi barlyq joǵary tehnologııalyq operasııalardy jasaı alamyz», — dedi Iýrıı Pıa.
Eske sala keteıik, bıyl 21 tamyzda Nur-Sultan qalasynda Qazaqstannyń Tuńǵysh Prezıdenti – Elbasy Nursultan Nazarbaev pen Memleket basshysy Qasym-Jomart Toqaevtyń qatysýymen Nur Otan partııasy saıası keńesiniń keńeıtilgen otyrysy ótti.