Qala ákimi kópirdiń, jol jáne kommýnaldyq ınfraqurylymnyń qurylys jumystarynyń barysyn tekserdi. Bul týraly ákimdiktiń resmı saıty habarlady.
Altaı Kólginov №26, 27, 29, 38 jáne 356 jobalyq ataýlary bar kóshelerge bardy. Kósheler sharshysynda asfalt tóseý, nóserli kanalızasııany tazartý, sý qubyrynyń syrtqy ınjenerlik jelilerin, jylý jelilerin tóseý, sondaı-aq, trotýarlyq jabyndy ornatý boıynsha jumystar júrgizilýde.
№29 kósheniń asfalttalǵan joly qalanyń eń qaýyrt ýchaskelerin jeńildetýge múmkindik beredi. Jumys aıaqtalǵannan keıin osy aýmaqta avtobýs qozǵalysyn iske qosý, aıaldamalar ornatý josparlanýda, áleýmettik nysandarǵa ótý aıtarlyqtaı jeńildeıtin bolady.