QR Syrtqy ister mınıstrligi Barselonada qylmys kóbeıgeni týraly eskertti dep habarlaıdy QazAqparat.
Bul týraly QR Syrtqy ister mınıstrliginiń resmı ókili Aıbek Smadııarov málimdedi.
«Katalonııa ortalyǵynda urlyq pen tonaý jıilep ketkenine nazar aýdaramyz. Birneshe kún buryn Katalonııa polısııasy Barselonanyń týrıstik aımaqtarynda qylmystyń óskeni týraly málimdeme jasady. Polısııanyń málimetinshe, tek Barselona kóshelerinde osy jyly 5 331 tonaý áreketi jasalǵan. Barselonadaǵy QR Konsýldyǵynyń málimetinshe, 2019 jyldyń alǵashqy jarty jylynda zardap shekken azamattar sany eki esege artty» dedi Aıbek Smadııarov mınıstrlikte ótken brıfıngte.
2019 jyldyń bir ǵana shilde aıynda Qazaqstanǵa qaıtyp oralýǵa 24 tólqujat berilgen.
«Kóptegen adam tólqujattan jáne Shengen vızasymen saıahatty jalǵastyrý múmkindiginen aıyrylýda, sonymen qatar, olar jeke zattaryn, aqshalaı qarajaty men basqa materıaldyq qundy buıymdaryn joǵaltady. Osyǵan baılanysty Barselonada qujattaryńyz ben zattaryńyzǵa saq bolýlaryńyzdy suraımyz. Elge ushyp keter aldynda qujat urlanǵanyn nemese qujattardy qalpyna keltirý faktisin rastaıtyn hattama alýdy jáne oqıǵa bolǵan jaǵdaıda jaqyn mańdaǵy polısııa ýchaskesine júginýge keńes beremiz» dedi SIM resmı ókili.