Eńbek reformalary – ýaqyt talaby

 Otyrys barysynda Fe­dera­sııa tóraǵasy Baqytjan Ábdiraıym Kásipodaqtar fe­derasııasynyń 2018-2019 jyldarǵa arnalǵan jańǵyrtý jol kartasy boıynsha atqa­rylǵan jumystary týraly baıandady. Bul qujatta áleý­mettik ádilettilikti nasıhat­taý jáne eńbekkerlerdiń quqyǵyn qorǵaý sharalary negizge alynǵan.

«Elbasy Nursultan Nazar­baev Kásipodaqtar federasııasy qazaqstandyqtardy Tór­tinshi ónerkásiptik revo­lıýsııanyń jańa sharttaryna áleýmettik beıimdeý úshin qozǵaýshy kúsh bolýy tıistigin atap ótti», dedi B.Ábdiraıym.

Federasııa bas­shysy ká­sip­odaqtar qyzme­tindegi ózek­­ti máselelerge, sonyń ishinde ujymdyq shart­tar­dyń sanyn arttyrý, eńbek daýlaryn sheshý, eńbek qa­ty­nastaryn zańdastyrý, jumys oryndaryn saqtaý jáne qaýipsiz eńbek sharttaryn qalyptastyrý másele­lerine toqtaldy. Jol karta­synyń basym baǵyttary, so­nyń ishinde Halyqaralyq eńbek uıymdarynyń standarttaryn nasıhattaý jáne kásiporyndarda áleý­met­tik turaqtylyqty qam­tamasyz etý máseleleri aı­tyldy. Son­daı-aq Pre­zı­dent Qasym-Jomart Toqaev­tyń áleýmettik basta­mala­rynyń ózektiligi jáne kásip­odaqtardyń basty qun­dylyq­tarymen úılesim tabatyny atalyp ótti.

Bas keńestiń músheleri eli­­­mizde oryn alyp jatqan áleý­mettik-eńbek reformalary ýaqyt talaby dep sanaıdy. Bul reformalar kásipodaqtar qyzmetin jańǵyrtý jáne Eń­bek adamyn qorǵaý tıim­diligin arttyrý úshin baǵyt-baǵdar bolýy tıis. Osy rette áleýmettik áriptestiktiń erek­she róli men áriptestikti ny­ǵaıtý mańyzdylyǵy  atap kór­setil­di.

B.Ábdiraıym atap ótken­deı, el Úkimeti, Kásipodaqtar fede­rasııasy jáne «Atame­ken» UKP arasyndaǵy 2018-2020 jyldarǵa arnalǵan bas keli­sim, sonymen qatar 21 salalyq jáne 16 aýmaqtyq keli­simder kásipodaqtardyń úshjaqty komıssııa, daǵda­rys­qa qarsy shtab, qoǵamdyq jáne úılestirý keńesteriniń otyrysyna keńinen qatysýyna múmkindik berdi. Úshjaqty komıssııa aıasynda múshe uıym­­dar tıisti salalardaǵy kásipodaq uıymdarynyń qyz­metin biriktire aldy. Áleý­mettik áriptestermen ózara yntymaqtastyqtyń aıqyn dáleli – Kásipodaqtar federasııasyna múshe uıymdar sanynyń 18-den 23 salalyq kásipodaqtarǵa artýy. 40 myń eńbekkerdi qamtıtyn 500-ge jýyq bastaýysh kásipodaq uıymdary quryldy.

Otyrys barysynda kásip­­odaq músheleriniń sany 45 myń­ǵa jýyq «QAZMED» medısına jáne onymen sabaqtas salalar qyzmetkerleriniń salalyq kásipodaǵy federasııa quramyna qabyldandy.

Jumys nátıjelerin qory­ta kele, Bas keńes músheleri Premer-Mınıstrdiń oryn­basary Berdibek Sapar­baev­tyń áleýmettik áriptestik ta­raptary arasynda ózara tıimdi baılanys júıesin qa­lyptastyrýǵa qosqan úle­sin joǵary baǵalaı otyryp, «Úzdik áleýmettik árip­tes» belgisimen marapatta­dy. Son­daı-aq aımaqtyq deń­geıdegi áleýmettik áriptestikti da­mytýǵa qosqan zor úlesteri úshin Pavlodar oblysynyń ákimi Bolat Baqaýovty jáne Atyraý oblysynyń ákimi Nurlan Noǵaevty osy bel­gimen marapattaý týraly sheshim qabyldandy.