Elimizde densaýlyq saqtaý salasyna salynǵan negizgi qarjy kólemi byltyrdan beri 13 paıyzǵa ósken. Alaıda, bul mólsher negizgi kapıtalǵa salynǵan jalpy ınvestısııanyń 1 paıyzyna da jetpeıdi, dárilek aıtsaq 0,9 paıyz ǵana. Biraq byltyrǵy jeti aımen salystyrǵanda bıyl densaýlyq saqtaý men áleýmettik qyzmetterge salynǵan ınvestısııa kóleminde ósim bar.
Energyprom saıtynyń málimetterine qaraǵanda, byltyrǵy jeti aıda densaýlyq saqtaý men áleýmettik qyzmetter salasyna salynǵan ınvestısııa kólemi 50,6 mlrd teńgeni quraǵan. Bıylǵy ınvestısııa 57 mlrd teńgege jetip, ósim mólsheri 12,7 paıyz boldy. Salaǵa ınvestısııa salýdaǵy ósim sońǵy úsh jyl boıy jalǵasyp kele jatqanyn eskersek, bul kórsetkish jyl sońyna deıin áli de ósýi múmkin. Degenmen, densaýlyq saqtaý men áleýmettik qyzmetter salasyna salynǵan ınvestısııa kóziniń respýblıkalyq bıýdjet ekenin de eskerý qajet. Bıylǵy qańtar-shilde aılarynda respýblıkalyq bıýdjetten atalǵan salalarǵa 21,8 mlrd teńge aýdaryldy. Byltyr bul kórsetkish 10,9 mlrd teńge bolatyn. Al jergilikti bıýdjetten bul salalarǵa ınvestısııa salý azaıyp, 11,9 mlrd teńgeni quraǵan. 2018 jyldyń jeti aıynda jergilikti bıýdjetterden 17,2 mlrd teńge ınvestısııa salynǵan edi. Bıyl bul mólsher 30,9 paıyzǵa tómendep ketti. Biraq atalǵan salalardaǵy bıznestiń jeke qarjysynda ósim baıqalǵan. Sóıtip jyldyq ósim 1,6 paıyzǵa jetip, qarjy mólsheri 20,9 mlrd teńge boldy. Al bul salalarǵa bankter bergen nesıeler men zaem qarajatynyń kólemi kóp emes. Nesıe kólemi 1,4 mlrd bolsa, zaemdar mólsheri – 1 mlrd teńge.
О́ńirler turǵysynan qarastyrsaq, bıylǵy 7 aıda elimizdiń 10 aımaǵynda atalǵan salalarǵa ınvestısııa tartýdyń ósken baıqaldy. Shyǵys Qazaqstan oblysynda bul kórsetkish 3,1, Jambyl oblysynda 2,5 jáne Nur-Sultan qalasynda 2,4 ese artty. Qarjy kólemi turǵysynan da jeti aıda 13,2 mlrd teńge ınvestısııa salǵan Shyǵys óńiri top bastap tur. Odan keıin 8,6 mlrd teńge salǵan Almaty qalasy men 6,7 mlrd teńge quıǵan Almaty oblysy aldyńǵy úshtiktiń quramyna kiredi. Bir atap óter jaıt, osy úsh óńirdiń salaǵa quıǵan ınvestısııa kólemi jalpy somanyń 50 paıyzyn quraıdy.