Dımash Qudaıbergen Qazan qalasyndaǵy hospıske arnaıy baryp, óziniń kishkentaı jankúıeriniń armanyn oryndady. Bul týraly QazAqparat tilshisi habarlady.
Dımash Qudaıbergen óziniń komandasymen birge Qazan qalasyndaǵy hospıske arnaıy kirip shyqty.
«Syrqaty aýyr Leısan esimdi qyz Andreı Malahovtyń habarynda Dımashtyń shyǵarmashylyǵy óziniń aýrýymen kúresýge kúsh syılaıtynyn, ánin tyńdaǵan saıyn ómirdiń áli alda ekenin túsinetinin aıtqan bolatyn. Ol Dımashtyń Qazanda án aıtatynyn estigende barǵysy kelgenin, biraq besinshi ret hımııalyq kýrstan keıin ol múmkin emestigin aıtqan. Sondyqtan, Dımash jankúıerine ózi kelip, balanyń armanyn oryndady», - delingen Youtube arnasynda.