Bul týraly SIM baspasóz qyzmeti habarlady.
Rýstam Isataev 1986 jyly týǵan. «Bolashaq» baǵdarlamasynyń túlegi, Darem ýnıversıtetin (Ulybrıtanııa) ekonomıka mamandyǵy boıynsha támamdady.
Eńbek jolyn Qazaqstan Respýblıkasy Ekonomıka jáne bıýdjettik josparlaý mınıstrliginde bastaǵan. 2009-2012 jj. Qazaqstan Respýblıkasy Premer-Mınıstriniń keńesshisi, kelesi eki jyl ishinde Prezıdent Ákimshiliginiń syrtqy saıasat ortalyǵynyń konsýltanty bolyp qyzmet etken.
2014 jyldan bastap 2018 jylǵa deıin Prezıdent Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory bolyp jumys istedi. Ol Astana ákimdiginiń, Respýblıkalyq bıýdjettiń atqarylýyn baqylaý jónindegi esep komıtetiniń, sondaı-aq «Astana EKSPO-2017» UK »AQ-nyń qyzmetine jetekshilik etti.
Syrtqy ister mınıstrligi Investısııa komıtetiniń tóraǵasy bolyp «Kazakh Invest» UK» AQ basqarma tóraǵasynyń orynbasary bolyp jumys istedi.