Jýkovskıı qalasynda Qazaqstan Respýblıkasynyń Indýstrııa jáne ınfraqurylymdyq damý mınıstri Roman Sklıar «MAKS-2019» 14-shi halyqaralyq avıasııalyq-ǵaryshtyq salonyna qatysyp, Reseı Federasııasynyń О́nerkásip jáne saýda mınıstri Denıs Mantýrovpen kezdesti. Bul jóninde Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Kezdesý barysynda Mınıstrler 2019 jylǵy 3 sáýirde Qazaqstan Respýblıkasy Prezıdentiniń Reseı Federasııasyna sapary aıasynda qol qoıylǵan birlesken qujattardyń oryndalý barysyn talqylady.
Kezdesý barysynda №405 Almaty avıajóndeý zaýyty bazasynda 2020 jyldan bastap azamattyq maqsattaǵy «Mı» tikushaqtaryn iri toraptyq qurastyrýdy bastaý týraly kelisimge qol jetkizildi.
Sonymen qatar, ushaq jasaý salasynda qazaqstandyq jáne reseılik kásiporyndardyń barynsha kooperasııasyn kózdeıtin jańa jobalardy iske asyrý bastaldy.
Qazaqstandyq kásiporyndardyń ónimderin Reseı Federasııasynda shyǵarylatyn avıaporttardy qurastyrý boıynsha óndiristik tizbekke biriktirýge erekshe nazar aýdaryldy.
Taraptar ónerkásiptik kooperasııany damytýdy jáne eki jaqty jobalardy, onyń ishinde Qazaqstan Respýblıkasynyń aýmaǵynda jumys istep turǵan jáne jańa óndirister bazasynda iske asyrýdy kózdeıtin keń aýqymdy máselelerdi talqylady.