Konstıtýsııa kúnine oraı tuńǵysh ret BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır ótti.
Is-sharanyń ashylý saltanatyna qatysqan Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kólginov, Prezıdenttiń baspasóz hatshysy Berik Ýálı, «Egemen Qazaqstan» AQ basqarma tóraǵasy Darhan Qydyráli men týrnırdiń mańyzdylyǵyna toqtalyp, qatysýshy komandalarǵa sáttilik tiledi.
Nur-Sultan, Almaty, Shymkent qalalary men Qyzylorda, Taraz, Soltústik Qazaqstan oblystarynan bas-aıaǵy 24 komanda qatysqan týrnırde «Habar» komandasy bas júldeni jeńip aldy. Ekinshi oryn «Qazsport» jigitterine buıyrsa, úzdik úshtikti «Habar 24» túıindedi. Jartylaı fınalǵa súrinbeı jetken «Egemen Qazaqstan» ujymy tórtinshi oryndy mise tutty.
Týrnırdiń júlde qory – 3 500 000 teńge. 1-oryn – 1 500 000, 2-oryn – 700 000, 3-oryn alǵan komandalar 300 000 teńgege ıe boldy. Sonymen qatar bes atalym boıynsha úzdik oıynshylar 100 000 teńge kóleminde aqshalaı syılyqpen marapattaldy. Sonyń ishinde «Úzdik qaqpashy» nomınasııasy egemendikterge buıyrdy.
Almas MANAP,«Egemen Qazaqstan»