Búgin Darıǵa Nazarbaeva QR Parlamenti Senatynyń Tóraǵasy bolyp saılandy.
Jasyryn daýys berý nátıjesinde jıynǵa qatysqan 48 senattyń 47-si Darıǵa Nazarbaevanyń kandıdatýrasyn qoldap daýys berdi.
Darıǵa Nursultanqyzy Nazarbaeva 1963 jyly Qaraǵandy oblysynyń Temirtaý qalasynda týǵan. 1983 jyly M.V. Lomonosov atyndaǵy Máskeý memlekettik ýnıversıtetiniń tarıh fakýltetin, 1985 jyly S.M. Kırov atyndaǵy Qazaq memlekettik ýnıversıtetiniń tarıh fakýltetin bitirgen. 1985-1987 jyldary - M.V. Lomonosov atyndaǵy Máskeý memlekettik ýnıversıteti tarıh fakýltetiniń taǵylymdamadan ótýshi-zertteýshisi. 1987-1990 jyldary - M.V. Lomonosov atyndaǵy Máskeý memlekettik ýnıversıtetiniń aspıranty. Saıası ǵylymdar doktory, tarıh ǵylymdarynyń kandıdaty. 1992-1994 jyldary - «Bóbek» balalar qaıyrymdylyq qorynyń vıse-prezıdenti. 1994-1995 jyldary - «Qazaqstan teledıdary men radıosy» respýblıkalyq korporasııasynyń vıse-prezıdenti, «Habar» Ulttyq televızııalyq aqparattyq agenttiginiń dırektory. 1995-1998 jyldary - «Habar» Agenttigi» respýblıkalyq memlekettik kásipornynyń bas dırektory. 1998-2001 jyldary - «Habar» agenttigi» JAQ-nyń prezıdenti. 2001-2004 jyldary - «Habar» agenttigi» JAQ-nyń dırektorlar keńesiniń tóraıymy. 2004-2007 jyldary - III saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Aımaq» depýtattyq tobynyń jetekshisi. 2007-2012 jyldary - «Qazaqstan Respýblıkasy Tuńǵysh Prezıdenti Qory» qoǵamdyq qorynyń dırektory. 2012-2014 jyldary Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń tóraıymy. 2014-2015 jyldary - QR Parlamenti Májilisi tóraǵasynyń orynbasary. 2015 jylǵy qyrkúıekten QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraıymy boldy. 2019 jyldyń naýryzynan QR Parlamenti Senatynyń tóraǵasy boldy.