Búgin Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) bastamasymen, Bilim jáne ǵylym mınıstrliginiń qoldaýymen «1 qyrkúıek – Bilim kúni» merekesine oraı, elimizdiń barlyq bilim berý uıymdarynda alǵash ret biryńǵaı jalpyrespýblıkalyq «Adaldyq saǵaty» ótti.
Biryńǵaı saǵat Túrkistan oblysyna qarasty barlyq bilim oshaqtaryn, onyń ishinde 903 mektep, 68 kolledj, 2 joǵary oqý ornyn (Q.A.Iаsaýı atyndaǵy Halyqaralyq qazaq-túrik ýnıversıteti, Syrdarııa ýnıversıteti) qamtydy.
«Adaldyq saǵatynyń» negizgi maqsaty - óskeleń jas urpaqtyń ón boıyna adaldyq, parasattylyq, ádildik, senim qundylyqtaryn sińirýge jáne jas býynnyń rýhanı bolmysyn bekitip, sybaılas jemqorlyqqa qarsy mádenıetin qalyptastyrý.
Osy ıgi bastamaǵa lektorlar retinde aýdan, qala ákimderi men olardyń orynbasarlary, oblystyq jáne aýdandyq máslıhat hatshylary, «Nur Otan» partııasynyń oblystyq, aýdandyq fılıalynyń birinshi orynbasarlary, memlekettik, quqyq qorǵaý jáne sot organdarynyń basshylary men arnaıy monıtorıngtik top ókilderi qatysty.
Elimizdegi jalǵyz halyqaralyq deńgeıdegi Qazaq - túrik ýnıversıtetiniń stýdentterine dáris oqyǵan Agenttiktiń Túrkistan oblysy boıynsha Departamentiniń basshysy H.Kóshqalıev jastardy jańa oqý jylymen quttyqtap, sybaılas jemqorlyqpen qarqyndy kúresý el saıasatynyń negizgi basym baǵyttarynyń biri ekendigin atap ótti.
О́ńirdegi jalpy sany 50 000-ǵa jýyq bilim alýshyny qamtyǵan sharada qoǵam belsendileri de qalys qalmady. Atap aıtqanda, daryndy jazýshy, jýrnalıst M.Baıǵut, oblystyń Ádep jónindegi ýákili Á.Álishev, Egemen Qazaqstan gazetiniń oblystaǵy menshikti tilshisi, Jýrnalıster Odaǵy oblystyq fılıalynyń tóraǵasy Ǵ.Elshibaı, belgili aıtysker-aqyn, Balalar men jasóspirimder ortalyǵynyń dırektory B.Shoıbekov, qazaq kúresinen Qazaqstannyń birneshe dúrkin chempıony A.Narbek sekildi zııaly qaýym ókilderi men sport sheberleri belsene atsalysty.
Shara barysynda lektorlar qazaqtyń boıynda baǵzydan qalyptasqan adaldyq pen ádildik qundylyqtarynyń qasıetin qazbalap, taǵylymǵa toly tarıh betterindegi ádildikti tý etken kemeńgerlerdiń týralyǵyna toqtaldy. Sondaı-aq Elbasy bıylǵy jyldy «Jastar jyly» dep jarııalap, el jastaryna zor senim bildirgendigin, Qazaqstannyń jarqyn bolashaǵy – búgingi jas býynnyń qolynda ekendigin jetkizdi.
«Adaldyq saǵatynda» bilim alýshylarǵa arnaıy ázirlengen beınerolıkti kórsetý arqyly adaldyq – parasattylyqtyń eń bıik shyńy, ári adam boıyndaǵy eń asyl qasıet ekendigi jiti túsindirildi.
Aıta keteıik, bul ıgi bastama dástúrli túrde jyl saıyn «1 qyrkúıek – Bilim kúninde» bastaý alyp, oqý jylynyń sońyna deıin júıeli túrde elimizdiń abyroıyn asqaqtatyp júrgen el maqtanyshtary men qoǵam belsendilerin qatystyra otyryp ótkiziletin bolady.