Temirtaý qalasynda jańadan salynǵan oblystyq mamandandyrylǵan SMART technologies mektep-lıseıi ashyldy. Bilim mekemesine 5-8 synyptardyń testileý synaǵynan irkilmeı ótken 400 daryndy oqýshysy qabyldandy.
О́ńirdiń ózge qalalary men aýdandarynan kelip oqıtyn lıseılikter úshin ashanasy, barlyq turmystyq jaǵdaıy bar ınternat úıi jumys isteıdi.
IT-mektep oqýǵa jáne tehnıkalyq sabaqtarǵa arnalǵan zamanaýı jabdyqtarmen jaraqtandyrylǵan. Oqýshylar 5-shi synyptan bastap jańa pánder men baǵdarlamalaý tilderine tereńdetip oqytý arqyly kásiptik baǵdar ala bastaıdy. Oqytý qazaq, orys jáne aǵylshyn tilderinde júrgiziledi. Mektep muǵalimderi ýnıversıtette taǵylymdamadan ótken.
Mektep-lıseıde oqýshylardyń bos ýaqytyn tıimdi ótkizýi jáne sportpen aınalysýy úshin barlyq jaǵdaı jasalǵan. Munda fýtbol, basketbol, boks, kúres jáne basqa da sport túrlerine arnalǵan qural-jabdyqtarmen jaraqtandyrylǵan akt zaly jáne eki sport zaly bar.