Bas júldeni koreı teatry enshiledi

Qonaqtarǵa oblys ákimi Ar­hımed Muhambetovtiń jyly lebizin jetkizgen Oblystyq má­­denıet basqarmasynyń bas­shy­sy Erlan Qalmaqov, kórer­mender men teatr ár­tis­terin Má­denıet já­ne sport mınıstri Aqtoty Ra­ıym­qu­lo­vanyń atynan qut­­tyqtaǵan mınıstrliktiń Kıne­matografııa jáne teatr basqarmasynyń bas sarapshy­sy Gúlnafıs Myrzasheva sha­ranyń basty maqsaty eldegi et­nosaralyq kelisimdi nyǵaıtý jáne Qa­zaqstan halqynyń baı máde­nıetin saqtaý ekenin aıt­­ty. Bul joly Qostanaıǵa Mem­lekettik akademııalyq koreı mýzykalyq teatry, Shym­kent qalalyq ózbek teatry, Q.Qojamııarov atyndaǵy Mem­lekettik respýblıkalyq uı­ǵyr mýzykalyq komedııa teatry já­ne festıval sharty boıynsha I.Omarov atyndaǵy Qostanaı oblystyq qazaq dra­ma teatry men oblystyq orys drama teat­ry da óner báıgesinen syrt qal­ǵan joq.

– Bizdiń uıǵyr teatry teatr bolǵaly Qostanaıǵa bi­rinshi ret kelýimiz eken. Fes­tıvaldyń ar­qasynda To­byl-Torǵaı óńiri jur­tyna ónerimizdi usyndyq. Kórermen men teatr kózaıym bolyp kezdespeı, bul ónerdiń qa­naty qataıǵan, qadamy júrgen emes. Teatr óneriniń ereksheligi de sol ǵoı. Sondyqtan biz fes­tıvalǵa óte rızamyz, – dedi Q.Qojamııarov atyndaǵy Uı­ǵyr teatrynyń kórkemdik je­tekshisi Iаlqynjan Shamıev.

Festıvaldan óner órisi­niń keńdigi men etnostyq teatr­­lardyń óskeni baıqaldy. Mu­ny teatrlardyń oıǵa jetele­gen shyǵarmalaryn kórip, tama­shalaǵan Qostanaıdyń talǵampaz jurty da bilmeı qalǵan joq.

– Festıval sheńberindegi spektakldiń birin de qal­dyr­maı tegis qarap shyqtym. О́ner­diń aty – óner, talanttyń aty talant ekenin baıqadym. Qazaq ádebıetiniń marjany «Qozy Kórpesh – Baıan sulý» spektakli koreı teatrynyń sahnasynda asyl tastaı qyrlana, qulpyra túsken. Jańa tásil, jańa leppen qoıylǵan. Shyǵarmany qa­zaq teatry sahnasynan kór­gen basqa da, koreı teatry sah­na­synan kórgendegi alar láz­zat bólek eken. Keremet! – degen edi Qostanaı qalasynyń turǵyny Meńzada Sámembet.

Festıval tek óner báıge­siniń biri ǵana emes, bul teatr­lardyń ózara tájirıbe alma­sýy, bir-birinen úırený, kem-ketigin túzeý men jetpeı, olqy túsip jatqan jaǵyn bir­lesip izdeý múmkindigi-tuǵyn. Qa­zaqstandaǵy alpys shaqty teatrlardyń arasyndaǵy etnos­tyq teatrlarǵa da dramalyq shy­ǵarmalar men jas kadr­lardyń tapshylyǵy, tehnıkalyq jab­­dyqtaý máseleleri ortaq ekenin aıtty jýrnalıstermen kezdesýde Ǵ.Músirepov atyn­daǵy Memlekettik aka­demııalyq ba­­lalar men jas­óspirimder teatrynyń kór­kemdik jetekshisi, ónertaný ǵylymdarynyń kandıdaty, festıval qazylar al­­qasynyń tóraǵasy Erkin Jýasbek.

Qaıtkende de báıgeniń aty – báıge. Qazylar alqasy sa­raptaı kelgende, «Ekinshi plandaǵy úzdik er adam beı­nesi» atalymy boıynsha N.Sa­dýrdyń «Pannochka» spek­taklindegi Iаvtýh rólin som­da­ǵan Qostanaı oblystyq orys drama teatrynyń akteri Oleg Smırnov, N.Gogoldiń «Úılený» spektaklindegi Pod­­kolesın rólin somdaǵan I.Omarov atyndaǵy Qostanaı qazaq drama teatrynyń ak­teri, Qazaqstannyń eńbek si­ńir­gen mádenıet qaıratkeri Qo­nysbek Begaıdarov marapattaldy. «Ekinshi plandaǵy úz­dik áıel beınesi» atalymy­na N.Gogoldiń «Úılený» spek­­taklindegi Dýnıasha jáne Aga­­fıa Tıhonovna rólderin oınaǵan Qostanaı oblystyq I.Omarov atyndaǵy qazaq drama teatrynyń ártisteri Nazıra Iman men Dıana Tursynova ıe boldy. Shymkent qalalyq ózbek drama teatry «Qasqyr ulyǵan tún» spektakli úshin «Kórermen kózaıymy» atalymyn enshiledi. «Úzdik sseno­grafııalyq jumys» atalymy boıynsha N.Sadýrdyń «Pannochka» spektakli úshin Qostanaı oblystyq orys drama teatry marapattaldy. Qazylar «Úzdik rejısserlik jumys» atalymy júldesin «Apat» spek­takli úshin Iаlkynjan Sha­mıevke laıyq dep tapty. Al festıvaldyń bas júldesi – «Úzdik spektakl» atalymy «Poema o lıýbvı» spektakli úshin Memlekettik akademııa­lyq koreı mýzykalyq komedııa teat­ryna berildi.

QOSTANAI